Isumalioqatigiissitap ataatsimiinnerat siulleq 2017

Saammaateqatigiinnissamut Isumalioqatigiissitami ilaasortat ulluni 21.-22. Januar 2017 Nuummi ataatsimiipput. Ataatsimiinneq ukioq manna siullersaraat.

Isumalioqatigiissitap sulinerani ukioq kingulleq aallartippoq. Ataatsimiinnermi pingaarnertut eqqartorneqarput, projektit aallartinneqarnikut naammassineqarnissaat. Aammalu minnerunngitsumik isumalioqatigiissitap ukiup naanerani suliap naammassinissaa.

“Ilaasortaasugut nuannaarutigaarput projektit siorna aallartinnikuusavut maannakkut naammassillattaarneri. Qilanaartuutigalugu oqaatigisinnaavara projektit naammassingajalersut arlaqarmata, taakkulu avammut saqqummiuttarumaarpavut. Oqaatigisinnaavara ukioq manna suliassatta annertunerpaartaanut  ilaammat Ilulissani konferencertitsinissarput ulluni 1.-2. April. Minnerunngitsumillu ataatsimiinnitsinni eqqartorparput isumalioqatigiissitaasugut sulinitta inerneri isumaliutissiissutinngorlugu allanneqarnissaat”. Taama oqaaseqarpoq Saammaateqatigiinnissamut Isumalioqatigiissitami siulittaasoq Josef Therkildsen.

Uani ataatsimiinnermi ilaasortat suliami killiffitsik naammagisimaarpaat. Aammalu ilaasortaasoq nutaaq Iisaavaraq Petrussen tikilluaqqulluarneqarpoq, isumalioqatigiissitallu suliaannut akuutinneqarlualereerluni.

Annertunerusumik paasissutissanik uunga paasiniaasoqarsinnaavoq:

Saammaateqatigiinnissamut Isumalioqatigiissitap allattoqarfia oqarasuaatikkut 34 67 96-imut sianerluni, imaluunniit e-mailikkut molm@nanoq.gl