Ikiaroornartumik kilisaatitigut assartuussineq akuerinngilara

Naalakkersuisut ilisimavaat kilisaammi Polar Nanumi inuttat ilaat Islandimi ikiaroornartumik angisuumik nassaarfigineqarluni sisamanngornermi tigusarisarineqartoq.

Nalaatsorneriinnakkut paasineqarpoq kilisaat ikiaroornartumik annertoorujussuarmik nunatsinnut eqqusseriaraluarnermi atorneqartoq. Tamanna Aalisarnermut Piniarnermullu Naalakkersuisutut ilungersunartorujussuartut isigivara, Hans Enoksen oqarpoq.

Naalakkersuisuni ilaasortap erseqqissarpaa ikiaroornartunik nunatsinnut eqqussineq inerteqqutaalluinnarmat.

Nunatsinni umiarsuaatillit kilisaataatillu kaammattorusuppakka inuttaminnut erseqqilluinnartunik malittarisassiuuseqqullugit, piumasarineqassalluni nunatsinnut umiarsuartigut ikiaroornartunik eqqussineq inerteqqutaalluinnarmat, Hans Enoksen oqarpoq.

Kilisaatit anngiortumik ikiaroornartunik unioqqutitsillutik eqqusseriarnermi atorneqartassappata, Naalakkersuisut aalisarsinnaanermut akuersissutinik pisassanillu tunniussisarnerup sukateriffigineqarnissaanik sukaterissallutik siunniussaqarput.

Matumuuna erseqqissarusuppara aalisarsinnaanermut akuersissutit pisassiissutillu ikiaroornartunik assartuinissamut atugassanngorlugit pilersitaanngimmata, Hans Enoksen erseqqissaavoq.

Naalakkersuisut erseqqissarpaat ikiaroornartoq akuersaanngilluinnarmassuk.

Attavigineqarsinnaavoq Aalisarnermut Piniarnermullu Naalakkersuisoqarfimmi pisortaq, Jørgen Isak Olsen. Email: jio@nanoq.gl