Suka K. Frederiksen-imi Unnuk Kulturisiorfik

Arfininngorneq ulloq 21. januar Naamminiilivinnermut, Pinngortitamut, Avatangiisinut Nunalerinermullu Naalakkersuisoq Suka K. Frederiksen iseriartoqqusilluni, Nuummi innuttaasunik qaaqqusivoq unnummut nuannisarfiusumut meeqqanut inersimasunullu amerlasuunik nuannersunik sammisaqarfiusumut.

Nuuk Centerimi Namminersorlutik Oqartussat isaariaanni matut ammarneqassapput nal. 16. Ileqquusorlu malillugu naapissinnaassavat Naalakkersuisoqarfiup Naalakkersuisua, sulisui suliaannillu paasisaqarnerullutit, init quleriiaat arfineq-pingajuanni sammisat nuannersut aqqutigalugit.

 

Namminiilivinneq ilinnut qanoq isumaqarpa?

Namminiilivinnissaq sulissutigaarput, kisianni namminiilivinnissaq ilinnut qanorpiaq isumaqarpa? Allagit, imaluunniit qiortaagit isummatillu nipitillugit namminiilivinnissap iigaanut taamannalu ilutigalugu Naamminiilivinnermut, Pinngortitamut, Avatangiisinut Nunalerinermullu Naalakkersuisoq Suka K. Frederiksen namminiilivinneq sammisalluunniit allat, illit uummammiorisatit pillugit oqaloqatigalugu.

 

Sermersuup ikaarnera pillugu oqaluttuaq tusarnaaruk
Louise Holm Christensen tusarnaaruk, ikinngutini arnaqatini marluk ilagalugit 2010-iimi sermersuaq itivikkamikku ilisimasassarsiorneq taallugu ’Nivissat Ikaartut’ pillugu oqaluttuartoq. Ullut 28-it atorlugit 600 km-inik isorartussuseqartoq Kangerlussuarmiit Isortumut angalavaat, arnani ilisimasassarsiortarsimasuni sukkanersaallutik. Uerisuussaguit, angalanermut nalunaarut, qinnuteqartarnermut periaaseq suullu piumasaqaataanersut, akuerisaanissamut naammasseqqaagassat pillugit aamma tusarnaarsinnaavutit.

 

Eqagassaniit nunatta uumasuanik sanagit

Eqqagassat eqqagassaannaanngillat. Sorpassuarnut atorneqarsinnaapput, takorluuisinnaanerlu kisimi killiliivoq. Titartaasarfitsinni/qalipaasarfitsinni nammineq nunatsinnit uumasuutit eqqakkanit sanasinnaavat assilisillutillu, eqqakkanit uumasuutit nunattalu nanua peqatigalugit.

Qujanaq aamma peqataassaaq! Maanna piffissami batteriikut pære-kullu katersornissaat ukkatarineqarpoq . Pære-kut batteri-kullu katersornerannut, puussamik akeqanngitsumik.

 

Arferup kigutai takukkit

Arferit ilai kiguteqarput, allallu soqqaqarlutik, kisianni suna assigiinngissutigivaat? Tamanna – allarpassuillu ilikkagaqarfigisinnaavatit, arferit soqqaannik kigutaannillu takusassiigutta.
Aamma timmiaatitta ilaat qanillilluinnarsinnaavatit, Kitsissunnguit eqqissisitaasut (Grønne Ejland) pillugit oqaluttuarutta.

 

Imermik imerniartarfik

Imeq imertagarput puilaffinnit assigiinngitsuneerajuttarpoq, assigiingilaartunillu mamassuseqartarluni.

Imermik ipiitsumik pissarsiniarnermi unamminiagassat pillugit paasisaqarit erngillu Nuummersoq, Nuussuarmeersoq Qinngorpumeersorlu mamasiorlugit. Mamaasa assigiinngissusaat malugisinnaavigit?

 

13-inik eqqoriaagit

Namminiilivinnermut, pinngortitamut, avatangiisinut nunalerinermullu pillugit qanoq ilisimasaqartigaat? Apeqqutit akikkit ilisimasatillu misilillugit eqqugassanillu eqquillutit – akissutit Naalakkersuisoqarfimmi sumi tamaaniipput. 

Kaagillertoqassaaq, kaffeqassaaq, teeqassaaq safteqassallunilu.

Pilersaarut tamaat takuuk Unnuup Kulturisiorfiup nittartagaani: http://kulturnat.gl/kulturnat/da/program/nuuk-2/ 

Takunissat qilanaaraarput!

Sumiiffik: Namminiilivinnermut, Pinngortitamut, Avatangiisinut Nunalerinermullu Naalakkersuisoqarfik, Nuuk Center, 8. sal

Piffissaq: Arfininngorneq ulloq 21. januar 2017 nal. 16 – 19