2017-imi qilalukkat qaqortat qernertanullu pisassiissutit

Naalakkersuisut 2017-imut qilalukkat qaqortat qernertallu agguataarneri akueraat.  Qilalugartassiissutit agguataarneri 2016-imiit 2020-imut qilalukkat pillugit uumassusilerisut siunnersuinerat, tusarniaasoqareernerup kingorna politikkikkullu aalajangiineq tunngavigalugu pivoq:

2017-imi pisassat imaapput:

Qilalukkat qaqortat 2016-imut naleqqiullugit allannguuteqanngillat. Qilalukkat qernertanili aqutsiveqarfik Upernavik qilalukkanik qernertanik politikkikkut immikkut pisassiissuteqarnermik aalajangiinikkut 10-inik ilaneqarpoq Qimusseriarsuarmi qajamik pisassat, katillugit Savissivik Upernavillu qilalukkat qernertat 80-it. Aqutsiveqarfik Upernaviup iluani qilalukkat qernertat nalinginnaasumik pisassiissutiniit qilalukkat qernertat 10-it nuunneqarput, taava Qimusseriarsuarmi qajamik pisassat, katillugit tassaapput 20-it. Aamma Tasiilami politikkikkut immikkut pisassiissuteqarnermik aalajangiinikkut 24-inik Tasiilami pisassat ilaneqarput, Ittoqqortoormiini politikkikkut immikkut pisassiissuteqarnermik aalajangiinikkut 8-inik pisassiissutit katillugu Tunumi qilalukkat qernertat pisassat 98-it.

Qilalukkat qernertat pisassiissutit ukioq kingullermut naleqqiullugit aqutsiveqarfinni Qaanaaq, Uummannaq aamma Qeqertarsuup Tunuani allannguuteqanngillat, APN uumassusilerisunit siunnersuinernik nutaanik tigusaqarnikuunngilaq, taamaattumillu pisassiissutit allanngortinnagit ingerlaqqinnissaat siunnersuutigineqarpoq.

Takussutissiaq 1: Kitaani qilalukkat qernertat aqutsiveqarfinnut agguaallugit

Aqutsiveqarfik

Pisassiissutit 2016

Pisassiissutit 2017

Etah

5

5

Qaanaaq

98

98

Savissivik

70 + (20)

70+10* = 80 + (20)

Upernavik

Uummannaq

134

134

Qeqertarsuaq

85

85

Ilulissat

Qasigiannguit

Aasiaat

Kangaatsiaq

Sisimiut

6

6

Maniitsoq

Nuuk

2

2

Paamiut

Narsaq

4

4

Qaqortoq

Nanortalik

Kitaa tamakkerlugit

424

434

*Politikkikkut immikkut pisassiissuteqarnermik aalajangiineq.

 

Takussutissiaq 2: Tunumi qilalukkat qernertat aqutsiveqarfinnut agguaallugit

Aqutsiveqarfik

Pisassiissutit 2016

Pisassiissutit 2017

Ittoqqortoormiit

50 + 16* = 66

50 + 8* = 58

Tasiilaq

16

16 + 24* = 40

Tunu katillugu

66 + 16* = 82

66 + 32* = 98

*Politikkikkut immikkut pisassiissuteqarnermik aalajangiineq.

 

Takussutissiaq 3: Qilalukkat Qaqortat Kitaani aqutsiveqarfinnut agguaallugit

Aqutsiveqarfik

Pisassiissutit 2016

Pisassiissutit 2017

Qaanaaq

20 – ukiuni tallimani teknikkikkut pisassiissutit*

20 – ukiuni tallimani teknikkikkut pisassiissutit*

Savissivik

Upernavik

250

250

Uummannaq

Qeqertarsuaq

Ilulissat

Qasigiannguit

Aasiaat

Kangaatsiaq

Sisimiut

50

50

Maniitsoq

Nuuk

12

12

Paamiut

Narsaq

8

8

Qaqortoq

Nanortalik

Katillugit

340

340

* Qaanaaq ukiuni 5-ini teknikkikkut qilalukkanik qaqortanik.

Qilalukkat qaqortanik paggatassiineq

Aalisarnermut Piniarnermullu Naalakkersuisoqarfik 2017-imi misiliutaasumik piniarfik ”Kalaallit Nunaata kitaani” qilalukkat qaqortanik paggataassiissaaq, Kalaallit Nunaata kitaata avannaani paggatassiisoqassanngilaq teknikkikkut pisassiissuteqareernera pissutaalluni. Paggatassiineq naammassereerpat qanoq ingerlasimanersoq nalilersorneqarumaarpoq. Erseqqissaatigineqassaarli pisassiisutip ilaannaa paggatassiissutigineqassammat, katillugit qilalukkat qaqortat 120-it, piffissarlu aalajangersimasup ingerlanerani ingerlanneqassalluni aammalu qinnuteqaateqaqqaarluni peqataaffigineqarsinnaassalluni. Piumasaqaataassaarluttaaq pisaqarnermi ingerlaannaq nalunaarnissaq. Qilalukkat qaqortat paggatassiissutit piniarfinnut assigiinngitsunut agguaanneqarumaarput. Paggatassiilluni piniarnerneq inuussutissarsiutigalugu piniartunit inuussutissarsiutigalugu piniarnermut allagartallinnit atuuttumik kisimi peqataaffigineqarsinnaavoq. Paggatassiilluni piniarneq naammassineqarpat pisassiissutit sinneruttut naatsorsorneqassapput kommunenullu assigiinngittunut agguataaqqinneqassallutik, nalinginnaasumillu pisarineqarsinnaalissallutik.

2017-imi pisassiissutinik aqutsiveqarfinnut agguaassineq

Pisassiissutit kommuninut agguaanneqassapput, taakkulu aalajangissavaat qanoq iluaqutigineqassanersut. Pisassiissutinik agguaassinermi eqqumaffigineqassaaq qilalugaqaqatigiiaat iluanni agguaassineq pissammat. Assersuutigalugu Qaasuitsup Kommuniata nammineq aalajangersinnaavaa kommunimut pisassiissutip tamakkiisup iluaniit qilalugaqaqatigiiaallu iluanni qanoq annertutigisut sumiiffinni ataasiakkaani nammineq pilersorsinnaanermut atugassatut iluaqutigitinniarneqarnersut imaluunniit qilalukkanut ataasiakkaanut illikartunut (perlaasut) immikkoortitsissanerluni.

Kommunalbestyrelsi 2016-imi pisassiissutit sinnerinik agguaassinissamini sunngiffimmi piniartartunut inuussutissarsiutigalugulu piniartunut pisassiinissamini procentip (%) assinga atussavaa. Takuuk Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaat nr. 1, 15. januar 2016-imeersumi § 9 imm. 2 malillugu sunngiffimmi piniartartut aqutsiviup qilalukkanik qaqortanik qernertanillu pisassiissutaasa 0-10 %-iisa akornanni amerlassuseqartunik kommunalbestyrelsimit pisassinneqarsinnaapput. 

Inatsit tunngaviusoq

Qilalugarniarnermut atatillugu aalajangersakkat qilalukkat illersugaanerat piniagaanerallu pillugit Namminersorlutik Oqartussat Nalunaarutaat nr. 1, 15. januar 2016-imeersumi erseqqissumik aalajangersarsimapput.

Pisassiissutinik tamakkinngitsuukkanik nuussineq – ”Carry-over”

Pisassiissutit 2013 ilanngullugu pisassiissutit tamakkerneqanngitsoortut ukioq pisassiivimmut tullermut nuunneqarsinnaalernikuupput. Tamanna JCNB/NAMMCO-p ilisimatuussutsikkut ataatsimiititaliaanit uumassusilerinikkut tunngasutigut carry-over (nuussineq) atuutilersinneqarnissaanut akornutissaqanngitsoq nalilermagu. Tassa ukioq manna pisassiivimmi pisassiissutit nungunneqassanngikkaluarpata, ukiup pisassiviusup tullianut nuunneqarsinnaaneri akornutissaqartinneqanngilaq.

2016-imi pisaasimasut 31. januar 2017-ip kingorna inaarutaasumik naatsorsorneqassapput, tamatumalu kingunerisaanik 2017-imi pisassiissutinut allannguisoqarsinnaalluni. 

Sukumiinerusumik paasisaqarusukkaanni attavigisassaq:

Immikkoortortami pisortaq Amalie Jessen

E-mail: amalie@nanoq.gl  tlf: 34 53 04, mobiltlf. 553342