Nuummi Narsarsuarmi betonngit ajoquteqalersimasut iluarsartuunneqarnissaat

Illorsuit Nuummi H J Rinksvejimi Narsarsuarmiittut navianaallisarlugit piaartumik iluarsartuunneqarallartariaqarnissaat paasineqarpoq.  Najugaqartut isumannaatsumik najugaqarnissaat qulakkeerniarlugu tamanna pisariaqarpoq. Illorsuarni makkunani ajoqute-qartoqartoq paasineqarpoq: 

  • B-1476 H J Rinksvej 14 - Blok 3
  • B-1477 H J Rinksvej 16 - Blok 4
  • B-1541 H J Rinksvej 22 - Blok 7
  • B-1542 H J Rinksvej 24 - Blok 8 

 

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfiup siuliani pineqartut aallaavigalugit namminersorlutik Oqartussani iluarsartuussisarnernut allaffeqarfik piumaffigaa illorsuit illersuuserneqarnissaat piaartumik isumageqqullugu aammalu illorsuarni pineqartuni betonngiminernik nakkaasoqarsinnaanera eqqarsaatigalugu  ajornanngippat illorsuit pineqartut tikinneqarsinnaajunnaarlugit assersoqqullugit.

Ajoquteqalersimasut naatsumik oqaatigalugit tassaapput aneerasaartarfiit ataasiakkaat betonngitaat, aneerasaartarfiit natii toqqammaviilu betonngiusut aserortilersimaneri, taamaasillunilu betonngiminernik ajornerpaaffiatigullu betonnginik iluitsukkuutaannik nakkaasoqarsinnaanera aarlerinarsisimalluni. 

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfiup inissiaatileqatigiiffik INI A/S aqqutigalugu najugaqartut eqqorne-qartut ilisimatinneqarnissaat sulissutigissavaa. Najugaqartut qinnuigineqarput inissiaati-leqatigiiffik INI A/S aqqutigalugu paasisassarsiortaqqullugit.

Annertunerusumik paasisaqarusuttoqaruni LH Siunnersorti ApS, Namminersorlutik Oqartussat iluarsartugassaataanik isumaginnittuusoq ugguuna: e-mail info@lhs gl attavigineqarsinnaavoq.