Ilaqutariinnut ikorfartugassanut juullerpalaartitsinissamut tapiissutinik agguaaneq

Isumaginninnermut Ilaqutariinnermut Naligiisitaanermut Inatsisinillu Atortitsinermut Naalakkersuisoqarfiup ukiut siulii assigalugit kingumut ilaqutariinnut ikorfartungassanut juullimi aaqqiissuussinissani tapiissuteqassaaq. Kommunit tamakkerlutik qinnuteqarput ilaqutariinnullu ikorfartungassanut juullimi aaqqiissuussinissani tapiissutissanik tamarmik agguaassivigineqarlutik.

Qinnuteqaatit katillugit 52-it agguaanneqarput illoqarfinni 17-ini nunaqarfinnilu 19-ini illoqarfiillu ilai arlaleriarlutik qinnuteqarsimapput, apeqqutaalluni ilaqutariinni sullissiveqarfiunersut imaluunniit isumaginnittoqarfiit pineqarnersut.

Illoqarfiit nunaqarfiillu aningaasanik agguaassivigineqarsimapput – Kalaallit Nunaata kangiani Tasiilaq Ittoqqoortoormiit, kitaani Aasiaat aamma Maniitsoq, avannaani Qaanaaq Upernavillu kujataanilu Nanortalik , soorluttaaq Kalaallit Nunaat tamakkerlugu nunaqarfinni aamma tapiissutinik agguaassisoqartoq.

Katillugit aningaasat missingerlugit 514.021 kr.-it ukioq 2016 –imi juullimut agguaanneqarput.

Aningaasat agguaanneqartut juullimi aaqqiissuussinissanut assigiinngisitaartunut atugassianngortinneqartarput. Assersuutigalugu juullimi nerisassat mamartuliallu agguaanneqartarlutik, nunaqarfinni ilaqutariinnut meeqqanullu pisoqartitsinissanut annernut aningaasat atugassiatut aammattaaq agguaanneqartarput, soorlu Uummannani juullimi pisoqartitsinerit annerit ilaat aaqqissuunneqarluni ingerlanneqarnissaani.

”Tamatsinnut juulli pingaaruteqaqimmat nuannaarutigaara nuna tamakkerlugu immikkut pisariaqartitsisunut juullimi pisoqartitsinissani tapiissuteqarsinnaagatta” Isumaginninnermut Ilaqutariinnermut Naligiisitaanermut Inatsisinillu Atortitsinermut Naalakkersuisoq Sara Olsvig oqarpoq.

Annertusisamik paasissutissanik pillugit attavigisinnaavat: immikkoortortaqarfimmi pisortaq Ellen Magnussen oqarasuaat 34 66 20