Carl Egedep aningaasaateqarfiata 8-t nersornaaserpai

Stemningsbillede

Carl Egede aningaasaateqarfiata aalisartut piniartullu arfineq-pingasut ullukinnermi decembarip 21-anni nersornaasissavai, kommunit nunaqarfiillu allaffiini nersornaatit tunniunneqassallutik. 

Nersornaaserneqartussat allagartamik 5.000 koruuninik aningaasartalimmik nersornaaserneqassapput.

Uku nersornaaserneqassallutik:

  • Jens Eliassen, Innaarsuit
  • Qaerngaaq Nielsen, Savissik
  • Jørgen Peter Jensen, Qeqertarsuaq
  • Kaaleeraq Heilmann, Qeqertarsuaq
  • Hans Nielsen, Qaarsut
  • Martin Madsen, Ittoqqortoormiit
  • Peter Åge Petersen, Paamiut
  • Hendrik Jessen, Napasoq

Aalisartut piniartullu peqatigiiffii nersornaaserneqartussanik kommunalbestyrelsinut innersuussaqartarput, kommunalbestyrelsit innersuunneqarsimasut akuerisarpaat aningaasaateqarfimmullu ingerlatitseqqittarluni.

Aningaasaateqarfiup siunertaraa ikiorsiisarneq inunnut nunatsinni najugaqartunut tassaniluunniit najugaqarsimasunut ukuusunut:

  1. Aalisartut piniartullu ajunaarsimasut kinguaavinut,
  2. aalisartut piniartullu inuutissarsiornermi maligassiuisunut,
  3. aalisartunut piniartunullu utoqqanngortunut,
  4. aalisartunut piniartunullu inuutissarsiorlutik ajoqusertunut,
  5. aalisartutut piniartutullu inuutissarsiornermi maligassiuisuusimasut toqusut eqqaassutissaannut,
  6. immikkut pissutissaqartillugu aalisartut piniartullu, pingaartumik inuusuttut, aningaasaateqarfiup siulersuisuisa isumaat malillugu ikiorserneqarsinnaapput.
Carl Egedep Aningaasaateqarfiata siulersuisui, tassaasut Aalisarnermut Piniarnermullu Naalakkersuisoq, Hans Enoksen aamma KNAPK-p siulittaasua, Henrik Sandgreen,  novembarip 24-anni 2016-imi ataatsimiinnerminni aalisartut piniartullu utoqqalisut aamma aalisartutut inuutissarsiornermi maligassiuisutut nersorneqartussatut innersuunneqartut aalajangersaaffigivaat.