Kalaallit Savalimmiut imartaanni saarullernarnerulissapput

Trawler

2017-imut isumaqatigiissut

Kalaallit Nunaat Savalimmiullu isumaqatigiissutigaat savalimmiormiut aalisartui nunatta imartaani aalisarsinnaassasut taamatuttaaq kalaallit Savalimmiut imartaanni aamma aalisarsinnaasut.

Kalaallit Savalimmiut imartaanni saarullernartassaat 5.000 tonsinit 8.000 tonsinut ilaneqarput.

Imartami nunat tamalaat aalisarfigisinnaasaanni NEAFC-mik pineqartartumi kalaallit 2017-imi saarullernartassaat 7.268 tonsiupput.

Saarullernartassat pineqartut kalaallit aalisartuisa Savalimmiut imartaanni 2017-imi aalisarsinnaavaat.

Taamaalilluni kalaallit aalisartuisa Savalimmiut imartaanni saarullernat aalisarsinnaasaat 20.268 tonsiussaput.

Savalimmiormiut aalisartuisa nunatta imartaani pisassaat amerlineqarput Tunumi saarulliit 400 tonsit qaleralillu 50 tonsit aalisarsinnaalerlugit. 

Taamaalilluni Kalaallit Nunaat Savalimmiunik aalisarneq pillugu 2017-imut ilasamik isumaqatigiissuteqaqqipput.

Aalisarnermut Piniarnermullu Naalakkersuisoqarfik atorfilittatigoortumik Savalimmiormiunut decembarip aqqaneq aappaanni 13-iannilu 2016-imi, 2017-imut isumaqatiginninniarput. Isumaqatiginninniarneq Københavnimi pivoq.

Aalisarnermik inuussutissarsiortut isumaqatiginninniarnermi ukioq manna aamma peqataatinneqarput.

Kilisaataatillit nunatsinneersut aamma inuussutissarsiornermik ingerlatsisut isumaqatigiinniarnerni peqataasut, Aalisarnermut Piniarnermullu Naalakkersuisoqarfik peqatigalugu nalilerpaat aappaagumut aalisagartassat pillugit isumaqatigiissutip ilaneqarnerani angusarineqartut naammaginartorujussuit.

Attavigineqarsinnaavoq Aalisarnermut Piniarnermullu Naalakkersuisoqarfimmi immikkoortortami pisortaq Emanuel Rosing, emanuel@nanoq.gl