90.000 tonsit raajartassassiissutigineqarput

Stemningsbillede

Naalakkersuisut ullumi decembarip arfineq pingajuanni aalajangerpaat Kitaani raajat 90.000 tonsit aappagu pisassiissutigineqassasut. 

Nunatta kitaata imartaani raajat 2017-imut pisassiissutigineqartut ukioq maannamut sanilliullugit 5.000 tonsinik amerlanerupput, ukioq manna raajartassiissutit 85.000 tonsiullutik.

Biologit nunatta kitaata imartaanut 2017-imut innersuussutaat 90.000 tonsiupput. 

Aappaagumut pisaasiissutaasunit 2.600 tonsit EU-mut pisassiissutigineqarput, EU-mik isumaqatigiissut naapertorlugu.

1.044 tonsit Canadamut aamma pisassiissutaapput, ukioq maannamut pisassiissutaasut affaannaannik amerlassuseqarlutik, 2.199 tonsiummata.

 Tunumi raajat 5.000 tonsit pisassiissutaapput.

Patajaapput

Raajat patajaatsumik amerliartornerat raajanik 2017-imut pisassiinissamut siunnersuinerup takutippaa. Raajanik 2016-imut aamma 2017-imut pisassiinissamut siunnersuinerit 90.000 tonsiupput.

Attavigineqarsinnaavoq Aalisarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. Email: emanuel@nanoq.gl