Qaasuitsup Kommuniata avinneqarnissaanut atatillugu qinersineq

Qaasuitsup Kommuniata avinneqarnissaanik kissaateqarneq Inatsisartut ukiakkut ataatsimiinneranni akuerineqarpoq taamaalillunilu kommunemi qinersissartut ikaarsaariarnermut ataatsimiititalianut marlunnut ilaasortassanik kommunalbestyrelsenut 4. april 2017 qinersisoqalerpat qinersissallutik.

Ikaarsaariarnermut ataatsimiititaliat marluusussat tassaassapput kommune 1, illoqarfittarissallugit Qaanaaq, Upernavik, Uummannaq Ilulissallu, kiisalu kommune 2, illoqarfittarissallugit Qeqertarsuaq, Qasigiannguit, Aasiaat Kangaatsiarlu. Ikaarsaariarnermut ataatsimiititaliat kommunit marluk naqqanit ulloq 31. december 2017 tikillugu sanarfissavaat, 1. januar 2018-imiillu kommunalbestyrelsenut nutaanut ilaasortatut atuutilissallutik.

Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. 27,  28. november 2016-imeersoq  naapertorlugu ikaarsaariarnermut ataatsimiititalianik marlunnik qinersinissaq massakkumut Qaasuitsup Kommuniata piareersarpaa.

 

Paasisaqarnerosuttut attavigisinnaavaat immikkoortortami pisortaq Martha Abelsen, Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik, oqarasuaat +299 34 51 11 imaluunniit e-mail maab@nanoq.gl.