Justitsminister-ilu suleqatigiinnerat nukittorsarneqarpoq

Inatsisinut Atuutsitsinermut Naalakkersuisoq Justitsminister-ilu suleqatigiinnerat nukittorsarneqarpoq

Ilaqutariinnut, Naligiissitaanermut, Isumaginninnermut Inatsisinillu Atuutsitsinermut Naalakkersuisoq Sara Olsvig ulloq 7. december 2016 suleqatini danskit justitsiminister-iat Søren Pape Poulsen Københavnimi tikeraarnermini ataatsimeeqatigaa.

”Inatsisinik atuutsitsinermi suliassat qitiusut pillugit justitsministeri Søren Pape Poulsenip paasinnilluni oqaloqatigiiffiulluartumik inatsisinillu atuutsitsinermi suliassani unammilligassat pillugit paaseqatigiiffiulluartumik angusaqarnerput nuannaarutigaara. Qanimut suleqatigiilluarnerput siunissami inerisaqqinneqarnissaa qilanaarivara. Innuttaasut malugilluarsinnaasaanik sulianik naammassinninnissap qulakkeerneqarnissaa toraartarineqarpoq” Ilaqutariinnut, Naligiissitaanermut, Isumaginninnermut Inatsisinillu Atuutsitsinermut Naalakkersuisoq Sara Olsvig oqarpoq.

Ilaqutariinnut, Naligiissitaanermut, Isumaginninnermut Inatsisinillu Atuutsitsinermut Naalakkersuisoq Sara Olsvig itisiliivoq: ”Pineqaatissinneqarsimasunik inissiisarfinni paarsisut ilinniartitaanerisa suli pimoorunneqarnerulernissaat pisariaqartinneqartoq ataatsimiinnermi ilaatigut ilanngullugit eqqartorpavut, aammalu nunaqarfinni arlaqaqisuni kommunefogedenik maannarpiaq amigaateqarnerup unammillernassusia nukingernartuuneralu eqqartorlutigu".

Paasissutissanik annerusunik pissarsiniaruit attavigisinnaavat: Naalakkersuisoqarfimmi pisortaaneq Julie Præst Wilche, oqaras.: 55 11 90, e-mail: jprw@nanoq.gl