Qaartitsinermi oqalugiaat

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisup, Martha Lund Olsen-ip Nuummi mittarfiup ilassutissaani qaartitsinermi oqalugiaataa

Nuannaarutigeqaara, ullumikkut Nuummi mittarfiup ilassutissaanut qaartitsineq siulleq naammassisinnaagatsigu. Nuummi nunani tamalaani mittarfiliornissamut pilersaarutit 1979-imili maanna mittarfitta ammarneqarnerani aallartipput, taa­maat­tu­mil­lu maan­na pi­ler­saa­ru­ti­ni i­ma si­u­ar­ti­gi­gat­ta, ”po­int of no re­turn” a­ngu­si­mal­lu­tigu aal­lar­til­lu­a­rat­ta­lu im­mik­kut nu­an­naa­ru­tis­saa­voq. Nu­nar­put ta­maat sin­ner­lu­gu at­ta­ve­qaa­tit nu­taa­li­aa­sut, in­nut­taa­su­nut i­lu­a­qu­tis­san­ngor­lu­git sa­naar­tor­ne­qar­tut tu­ngaan­nut an­ner­tuu­mik al­lo­ri­ar­ner­put nu­an­naa­ru­ti­gaa­ra.

Qa­qor­tu­mi, I­lu­lis­sa­ni Nuum­mi­lu qaar­tit­si­ne­rit pe­reer­ne­ri­ni sa­naar­tu­gas­sat aal­lar­tin­nis­sar­pi­aat qi­la­naa­ru­ti­gi­sin­naa­ler­par­put, aam­ma­lu Ka­laal­lit A­ir­por­t­s A/S su­li­a­mik na­ngit­si­ne­ra, at­ta­ve­qaa­til­lu tutsuiginartut piffissamullu naleqquttut nu­nat­sin­nik a­ta­qa­ti­giis­sit­si­ne­ru­sut pi­vi­u­sun­ngor­tin­nis­saan­nut al­lo­ri­ar­ne­rit ki­ngul­liit tu­ngaan­nut aal­lar­tin­ne­ra ta­ku­sin­naa­gak­ku nu­an­naa­ru­ti­gaa­ra. 

Ta­ma­tu­ma pe­qa­ti­gi­saa­nik It­toq­qor­toor­mii­ni Ta­sii­la­mi­lu mit­tar­fi­li­or­ti­ter­nis­sa­nut pi­ler­saa­ru­si­or­ne­rit mi­sis­su­eq­qaar­ne­ril­lu tu­ngaan­nut su­li­vu­gut. Kiisalu mittarfinnut naatsunut nu­taar­­luinnarnut takorluukkat misissuiffigileruttorpagut, taakkulu piffissap ingerlanerani Ka­laallit Nunaata kujataani Qeqertarsuullu Tunuani illoqarfinnut arlalinnut qulimiguu­lim­mik timmisartuussisarnernut taartaasinnaassapput.

Taamatut oqaaseqarlunga Naalakkersuisut sinnerlugit qaartitseqqaarnermi tamassi pilluaqquassi, aammalu sanaartugassanut Nuummilu mittarfiup tallisap atorneqalernissaanut qilanaarpunga.