Umiatsiaararsorluni aalisarsinnaanermut akuersissutit sivitsorneqarput

Stemningsbillede Naalakkersuisut aalajangerput inuussutissarsiutigalugu umiatsiaararsorluni aalisarsinnaanermut akuersissutit 2016-imoortut atuunneri januaarip aallaqqaataa aallarnerfigalugu qaammatini pingasuni marsip 31-at 2017 ilanngullugu sivitsuiffiginiarlugit.
Naalakkersuisooqatigiinnissamut isumaqatigiissut naapertorlugu inuussutissarsiutigalugu umiatsiaararsorluni aalisarsinnaanermut akuersissutit qinnutigineqartarneri tunniunneqartarnerilu kommuninit 2017-imit suliarineqartalissapput.
Namminersorlutik Oqartussat akuersissutit pisassiissutillu pillugit nalunaarutaat naapertorlugu inuussutissarsiutigalugu aalisarsinnaanermut akuersissut kingusinnerpaamik novembarip 30-anni 2016-imi qinnutigineqassaaq.
Naalakkersuisut tamanna tunngavigalugu januaarip aallaqqaataani 2017 aallarnerfigalugu qaammatini pingasunik sivitsorpaat.
Kommunit naatsorsuutigaat inuussutissarsiutigalugu umiatsiaararsorluni aalisarsinnaanermut akuersissutinut qinnuteqaatit februaarip aallaqqaataa 2017 aallarnerfigalugu suliarisinnaalissallugit, imaappoq ukiup siuliani akuersissutaateqareersimasut qinnuteqaataat kommunit tigoorarlugillu tunniussinnaanngussagaat.
Annertunerusumik paasisaqarusuttunut saaffigineqarsinnaavoq: Ataqatigiissaarisoq Augusta M. Jerimiassen, Aalisarnermut, Piniarnermullu Naalakkersuisoqarfik, e-mail: auje@nanoq.gl