Peqqissutsimut Pitsaaliuinermullu Aqutsisoqarfimmi pisortaq nutaaq

Peter Henriksen decembarip aallaqqaataaniit Peqqissutsimut Pitsaaliuinermullu Aqutsisoqarfimmi pisortanngortussatut toqqarneqarpoq.

Aqutsisoqarfimmi pisortatut atorfik inuttassarsiunneqarsimavoq maannakkut Aqutsisoqarfimmi pisortaasoq Jóanis Erik Køtlum Savalimmiunut uteqqinnissani kissaatigalugu nalunaaruteqarmat.

”Peter Henriksen-ip peqqinnissaqarfimmut tikilluaqqunissaa qilanaaraarput. Peter Danmarkimi peqqinnissaqarfimmi aqutsisutut misilittagaqarluarpoq. Aamma Namminersornerullutik Oqartussaasimasuni Dronning Ingridip Napparsimavissuani MED-organisationimi ilinniartitsisarsimavoq, taanna tassaavooq peqqinnissaqarfiup suleqatigiinnissamut ataatsimiititaliaa”, taama oqarpoq Peqqissutsimut Naalakkersuisoqarfimmi pisortaq, Lone Nukaaraq Møller nangillunilu:

”Maanna Jóanis Erik Køtlum novemberip naanerani soraartussanngortoq inuulluaqqusussanngorparput. Ukiuni kingullerni arlaqartuni Jóanis Erik Peqqissutsimut Pitsaaliuinermullu Aqutsisoqarfimmi pitsaanerpaamik siuttuusimavoq minnerunngitsumik peqqinnissaqarfiup allanngortiteriffigineqarnerata nalaani.”

Peter Henriksen 58-nik ukioqartoq Danmark-imeersuuvoq, taassumalu atorfia kingulleq tassaavoq napparsimavimmi naalagaaffiup piginngisaani Filadelfia-mi atorfillit pisortaattut atorfik.

Paasissutissanik allanik paasisaqarusuttut attavigisinnaavaat Naalakkersuisoqarfimmi pisortaq Lone Nukaaraq Møller, taannalu attavigineqarsinnaavoq oqarasuaat: +299 34 66 25 -mut sianerfigalugu imaluunniit e-mailikkut allaffigalugu: lnmo@nanoq.gl