Meeqqanik persuttaasarneq atornerluinerlu akiorniarlugit nunarsuaq tamakkerlugu ulloqartitsineq

Kattuffik Women´s World Summit Foundation (WWSF) ukioq manna pisarnertut kingumut meeqqanik persuttaasarneq atornerluinerlu akiornilarlugit ulloq 19. November ulloqartitsiniarput.

Isumaginninnermut Ilaqutariinnermut Naligiisitaanermut Inatsisinillu atuutitsinermut Naalakkersuisoqarfik Kommuneqarfik Sermersooq-llu suleqatigiinnerisigut ulloq malunnartinniarneqarpoq ulluni 18. november aamma 19. november 2016 Nuummi, Tasiilami Paamiunilu aaqqiissuussisoqassalluni.

Ullormik malunnartitsinissamut atatillugu Isumaginninnermut Ilaqutariinnermut Naligiisitaanermut Inatsisinillu atuutitsinermut Naalakkersuisoqarfiup meeqqanik persuttaasarneq atornerluinerlu akiorniarneqarnerani paasititsiniaavoq oqariartuut: “ Iliuuseqaqataagit – Kalaallit Nunaat meeqqamut toqqisisimanartuuli”.

Paasititsiniaaneq facebook-ikkut ingerlanneqartoq nittartakkami Oqaatigiuk – Bryd tavsheden ataani saqqummersinneqarpoq. Paasititsiniaaneq pisoqartitsinernut ilaattut ingerlanneqassaaq illoqarfinni tulliuttuni ingerlanneqartussani Nuuk, Tasiilaq aamma Paamiut ulloq 18. November aamma 19. November 2016.

Isumaginninnermut Ilaqutariinnut Naligiisitaanermut Inatsisinillu atortitsinermut Naalakkersuisoq Sara Olsvig meeqqanik persuttaasarneq atornerluisarnerlu akiorniarlugit ulloqartitsinermi oqarpoq: ”Nipangiussisimanerup kipitinneqarnissaa aalajangiissuulluinnarpoq persuttaaneq nakuusernerlu oqaasinngortinneqartariaqarput. Tamatumani meeqqanik inersimasunilluunniit persuttaasarneq tamani pineqartillugu. Nuna tamakkerlugu paasititsiniaanermi oqariartuutip siammarterneqarnissaa pingaaruteqarluinnarpoq: ”Iliuuseqaqataagit – Kalaallit Nunaat meeqqamut toqqissisimanartuuli””.

Inatsisartut illutaata silataani ulloq 18. november oqalugiarnermi Sara Olsvig-ip aamma tamanna oqaariartuutigissavaa.

Sukumiinerusumik paasisaqarussuttut attavigisinnaasaat: AC-fuldmægtigi Lone Snedker Adamsen, oqar. 346609, e-mail: losa@nanoq.gl