Gordon Hamilton toquvoq

Gordon Hamilton, Skotlandimi inuusoq, University of Maineminngaaneersoq Sikuiuitsoq Kujallermi ilisimatusartilluni qanittumi toquvoq. Gordon Hamilton Kalaallit Nunaanni sermersuup sukkasuumik aakkiartornera ukiorpassuarni misissuiffiginikuuaa, taamaalillunilu silap kissatsikkiartornera nunarsuarmilu imavissuit qaffakkiartornerisa ataqatigiinnerannut ilisimasanik tapersiilluaqataalluni.

Amerikami National Science Foundation (NSF) aningaasaliisoralugu Gordon Hamiltonip Kalaallit Nunaat ukiorpaalunni ukiut tamaasa tikeraartarnikuuaa, ilaatigut Tunumi misissugaralugit Kangerlussuup sermia aamma Helheimip sermia, Kalaallit Nunaanni sermit annersaasa sukkanerpaamillu iigartartut ilaat.

Gordon Hamiltonip nunat tamalaat akornanni silap pissusaanik ilisimatusarnikkut suliai nunat tamalaat akornannit nersorneqarput, aamma Hamiltonip professoriuffigi-nikuusaani University of Mainemi pisortaq malillugu misissuinera silarsuarmi pitsaaner-paajulluni. 

Gordon Hamilton Sikuiuitsoq Kujallermi alianaqisumik qamuteralaa sermersuup quppaa-nut 30 meterisut ititigisumut nakkarmat ajunaarpoq. Sila pillugu ilisimatusarneq uummateqarfigisani taamaasilluni aamma toqussutigalugu.

Nunatsinni silaannaap annilaarnartumik  allanngoriartornera ullumikkut tamatta misigisatta qularutigineqarunnaarnera Kalaallit Nunaanni ilisimatusarnerata takutippaa. 

Kalaallit Nunaanni Sikuiuitsorlu Avannarlermi silaannaap allanngoriartornera pillugu ilisi-matusartut pikkorinnerpaat nersorneqarnerpaallu ilaat USA-ginnaanngitsup aammali Kalaallit Nunaata annaavaat.                                                                                                                                                                   

Gordon Hamilton 50-inik ukioqarluni toquvoq. Nuliani ernitillu marluk Martin aamma Culum qimatarai.