Knud Rasmussenip inuttai nersorniarneqartut

Sakkutuut umiarsuaanni Knud Rasmussenimi inuttaasut Canadamiut umiarsuaat aalisariut Saputi ukiup ingerlanerani siusinnerusukkut imaani sikumut aporluni immalermat sapiitsuliornertik pillugu ullumikkut novembarip ulluisa qulingiluaanni nersorniarneqarput.

Suliaq nalinginnaanngilluinnartoq paasinarsivoq, tassami ilaatigut Saputi immattorujussuulluni kinngunissamut ulorianartorsiormat, Saputi inuttaasullu toqqaannartumik ulorianartorsiorput. Kiisalu silarlunnera mallerujussuarneralu pissutaalluni suliaq ajornakusoortinneqarpoq.

Pinngortitamut, Avatangiisinut kiisalu Nunaateqarnermut Naalakkersuisoq Suka K. Frederiksen, aammattaaq upalungaarsimanermut oqartussaasuusoq, ullormi inuttaasut iliuuseqarluarsimanerat malunnartinniarlugu ilassinninnermut atatillugu oqarpoq:

”Knud Rasmussenimi inuttaasut, Lars Povl Jensenimit aqunneqarlutik Saputip inuttaanik umiarsuarmillu annaassiniarlutik maligassaasumik sapiitsuliorlutillu iliuuseqarsimapput.

Matumuuna taamatut iliuuseqarsimanerat, tamatumalu Saputimi inuttaasunut 30-t missaanniittunut, tamarmik pisumi annattunut pingaaruteqarnera pillugu nersorusuppakka.”

Annertunerusumik paasisaqarusunnermi immikkoortortaqarfimmi pisortaq Karen Anne Arleth, knar@nanoq.gl, tlf. 345465-imut attaveqarfigineqassapput.