FN-imi Meeqqat pillugit Isumaqatigiissutip kingunerisinnaasai

Naalagaaffiit Peqatigiit Meeqqat pillugit Isumaqatigiissutaata Kalaallit Nunaanni inatsisiliornikkut ilanngutsinneqarnerata kingunerisinnaasanik misissueqqissaarneq.

Naalagaaffiit Peqatigiit meeqqat pillugit isumaqatigiissutaata ilanngunneqarnissaa pillugu kingusinnerpaamik 2017-imi Inatsisartut inatsisaattut Namminersorneq pillugu inatsisip killissarisaasa iluini siunnersuuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut 2015-imi ukiakkut ataatsimiinnermi akuersissutigineqarpoq.

Malitseqartitsinissami aalajangiunneqarpoq inatsisitigut suliassap aallarnisarneqarnissaani aalajangiiffigisassatut siunnersuutip aningaasaqarnikkut allaffissornikkullu kingunissai pillugit sukumiisumik misissueqqissaarnissat Ilaqutariinnermut Naligiisitaanermut Isumaginninnermullu Naalakkersuisup aallarnisassagai.

Matuma kingorna misissueqqissaarnissap  eqqarsaatigineqartup inernerinik 2016-ip ukiuata affaani kingullermi Naalakkersuisoq nassuiaateqarsinnaassasoq siunertarineqarpoq. Nalunaarusiaq Kommunit Nunanullu Immikkoortortaannut Misissueqqissaartarfimmit suliarineqarsimasoq maanna saqqummiunneqarpoq.

Nalunaarusiami pingaarnerusumik inerniliussaapput, Kalaallit Nunaat Norge-mit aamma Finnamarken-imit sanilliunneqarluni, tassani isumaqatigiissut ilanngutsinneqarsimasoq, tassalu: 

- Naalagaaffiit Peqatigiit Meeqqat pillugit Isumaqatigiissutaat malinneqassanngitsoq, aammalu annertuumik kinguaattoortoqartoq Kalaallit Nunaata isumaqatigiissummik malinnissinnaaneranut tunngatillugu.

Malinnitsitsinerup kingunerissavaa meeqqat inuusuttullu pillugit tulleriiaarnerni aningaasaliissuteqarnerulernissat.

Peqqissaartumik misissueqqissaarnerit takutippaa, ukiuni aggersuni immikkut ittumik ilaagut meeqqanut inuusuttunullu oqartussaaffik immikkut isiginiarneqartariaqartoq ukiunilu tulliuttuni suliassani pingaartinneqarluni pinaveersimatitsinissani suliniutissani periuserisassat nutaat pisariaqartut piaarnerpaamillu aallarnisarneqassasut salliunneqarlutillu pinaveersimatitsinissanik suliniuteqarfigineqarnerujussuusariaqartut, tamatumani meeqqat tamarmik toqqissisimasumik peroriartornissaat qulaakkerneqarnissaani aqqutissiussinissani. 

Inussiarnersumik inuulluaqqusillunga

Sara Olsvig

 

Nalunaarusiaq uani atuaruk. 

 

Annertusisamik paasissutissanik pissarsinissami attavigiuk Naalakkersuisup allattaa Sina M Kristiansen, nimk@nanoq.gl.