Kommunit avinneqarnissaat pillugu erseqqissaat

KNR-Radioaviisimi ulloq 2. novembari 2016 ullup qeqqanut, kingornalu knr.gl-imi, oqaatigineqarpoq, Naalakkersuisut Siulittaasuata Kim Kielsenip Tunumi innuttaasut atsiornerannik katersat tunniunneqarmata itigartissimagai.

Tassunga tunngatillugu erseqqissaassutigineqassaaq:

Naalakkersuinikkut Ataqatigiissaarisut (Naalakkersuisut, borgmesterit sisamat KANUKOKA-llu siulittaasuat) ulloq 12. oktobari 2015 ataatsimiikkamik kommunit avinneqarsinnaanerat oqaluuserivaat. Deloitte-p nalunaarusiaa ”Kommuneqarfik Sermersuup avinneqarsinnaanerata sunniutigisinnaasaanik misissueqqissaarneq” tunngavigalugu Naalakkersuinikkut Ataqatigiissaarisut aalajangerput Kommuneqarfik Sermersuup avinneqarsinnaanera pillugu oqaloqatigiissutiginissaa piffissaanngikkallartoq.

Tasiilami innuttaasoq nammineq piumassutsiminik Tunu immikkut kommuninngornissaa pillugu atsiornernik katersivoq. Atsiornernik katersisup atsiornerit 500-ut missaat Naalakkersuisut Siulittaasuannut Kim Kielsenimut nassiuppai. Innuttaasoq ulloq 29. decembari 2015 allaffigineqarpoq Naalakkersuinikkut Ataqatigiissaarisut ulloq 12. oktobari 2016 aalajangernerat innersuussutigalugu Kommuneqarfik Sermersuup avinneqarnissaanik kissaateqarneq Naalakkersuisut akuerisinnaanngikkaat.

Paasisaqarnerorusuttut attavigisinnaavaat immikkoortortami pisortaq Martha Abelsen, oqarasuaat +299 34 50 00 imaluunniit e-mail maab@nanoq.gl