Naalakkersuisoqarfimmi pisortaq soraartoq

Selvstyrebygningen i Nuuk

Naalakkersuisut Siulittaasuata Naalakkersuisoqarfia Naalakkersuisoqarfimmilu pisortaq Ólafur P. Nielsen ulloq 2. november 2016 akunnerminni isumaqatigiissuteqarput Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi pisortatut Ólafur P. Nielsen soraassasoq.

Tamanna pivoq Namminersorlutik Oqartussani kommunenilu isumaqatigiissutit najoqqutaralugit atorfeqartunut, allaffissornikkut pisortanut aningaasarsiat atorferqarnerlu pillugit Naalakkersuisut aamma Danmarks Jurist- og Økonomforbundip isumaqatigiissutaat 16. decembari 2013-imeersoq naapertorlugu.

Illuatungeriit akunnerminni isumaqatigiissutigalugu pisussaaffilerput pisortaasimasup suliunnaarneranut tunngatillugu isumaqatigiissummut tunngasunik isumaqatigiissutillu imarisai pillugit tamanut ammasumik inummulluunniit allamut oqaaseqartoqassanngitsoq.

Ilutigitillugu Namminersorlutik Oqartussat Ólafur P. Nielsen Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi pisortatut sulisimaneranut qutsavigerusuppaat.

 

Søren Hald Møller

Naalakkersuisoqarfimmi pisortaq, Naalakkersuisut Siulittaasuata Naalakkersuisoqarfia