Maniitsup eqqaani saarullinniarneq killilerneqassaaq

Tusagassiuutinut nalunaarummut saarullittassiissutit 8.000 tonsinik ilaneqarput, erseqqissaassut.

Tusagassiuutinut oktobarip 13-ianni 2016-imi nalunaarummi ima allassimasoqarpoq:

“Ilassutigineqartut avillugit nunap immikkoortuinut agguarneqassapput, taamaasilluni ilassutigineqartut nunatsinni aalisartunut amerlanerpaanut iluaqusiissallutik, sumiiffinni aalisarujussuarsinnaaneq pinngitsoorumallugu.”

Matumuuna erseqqissaassutigineqassaaq Maniitsup eqqaani saarullinniarneq pisassat ilassutigineqartut aalisarneqarnerinut atatillugu aalisarneq killilerniarneqarmat. Maniitsup eqqaani saarullinniartut saarullittatik bundgarninit milluaassuarmik milluarlugit uumatitsivinnut pisarpaat, fabrikkimut kingorna assartuunneqarlutik.

Naalakkersuisut pisassat ilassutigineqartut taama aalisarnerinut killiliiumallutik maannakkut malittarisassaliussallutik suliaqarput.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi pisortaaneq, Jørgen Isak Olsen. Mail: jio@nanoq.gl