Mittarfinnut qaartiterinerit siulliit aallartipput

Tallimanngornermi 30. september 2016-imi nal. 14:00 Ilulissat mittarfiata avannaata tungaani qaartitsineq siulleq pissaaq.

Knud Kristiansen tassunga atatillugu oqarpoq: ”Maanna aallartilluarnerput tulluusimaarutigisorujussuuara. Qaartitsineq siulleq tassunga sakkortuumik ilisarnaataavoq. Piffissami aggersumi aamma Qaqortumi Nuummilu taamatut qaartitsisoqassaaq”. 

Ilulissani alliliinissamut pilersaarutigineqartumut atatillugu aasap ingerlanerani nunap iluani misissueqqaarnernik ingerlatsisoqarpoq, 2017-imilu aasaanerani misissuinermut tapertassanik ingerlatsisoqarnissaa naatsorsuutigineqarpoq.

2016-imi nunap iluani misissueqqaarnernut atatillugu sumiiffiit, qaarsoq qaartiteriffinnut immiutissatut, aammalu asfaltimut qalliutissamut akussatut naleqqunnersoq paasiniarlugu laboratoriami misissuinissaq siunertaralugu qaarsumit misissugassanik piiaaffiusinnaasut toqqartorneqarput.

Tamatumunnga atatillugu qaarsumit misissugassanik, laboratoriami misissorneqartussanik qaartiterilluni piiaanissaq pillugu Namminersorlutik Oqartussat najukkami entreprenørimut isumaqatigiissuteqarput.

Qaqortumi, Nuummi Ilulissanilu mittarfiliassani misissueqqaarnerit Kalaallit Airports A/S-ip aamma Ineqarnermut, Sanaartornermut Attaveqaqatigiinnermullu Naalakkersuisoqarfiup akornanni qanittumik ataqatigiissaarinikkut ingerlanneqarput.

Apeqqutissaqartoqassappat mailimik uunga nassiussisoqarsinnaavoq: isan@nanoq.gl

 

Qaartitseqqaarnermit videoliaq takuuk. Assiliisuuvoq: Dennis Tidselbak, Inuplan A/S