Inuup naleqassusaanik pingaartitsisoq akornatsinniikkunnaarpoq

Bent Ole Kleist-ip toqunerani Naalakkersuisut siulittaasuata eqqaaniutaa

Bent Ole Kleist-ip, Vaavap, toqunerani ilaqutaasut, ikinngutaasut kiisalu suleqatigisarsimasai tamaasa misiginneqatigaakka.

Vaava politiitut sulinermini inuppalaassutsip sakkussat ilaattut atorneqarnissaa pingaartitaraa.  Pinerlunniarnerit assigiinngitsut akiorniarneqarnerat politiit ulluinnarni suliassaannut ilaalluinnarput. Taamatullu sulinermi pinaveersaartitsinermik suliaqarneq Vaavap ilanngullugu pingaartitaraa.

Inoqatip naleqassusaa ilisimallugu nunaqqatigiinnut sunniuteqarluartumik suleqataasoq akornatsinnikkunnaarpoq, taamaakkaluartoq Vaavap suliassaminik pingaarnersiuisarnermini periaaserisartagai ataqqillugit eqqaajuartassavagut.

Pisortat suliffeqarfii isumaginninnermik suliaqartut, atuarfeqarfiit politiit allallu pinaveersaartitsinissaq siunertaralugu ataqatigiissaakkamik suliniuteqartarnerat  – SSPK-mik  taaguuteqartinneqartut – Vaavap Qaqortup politeqarfiani aqutsisuunerata nalaani aallunneqarput. Taamatullu suleqatigiinneq nammineerluni peqataaffigissallugu pingaartitariuarsimavaa.

Pinaveersaartitsineq siunertaralugu suliaqarnerup suliassamut ilaatinneqartuarnissaa Vaavap ukiuni kingullerni kujataani politiinut aqutsisuunermini aamma aqqutissiuunniartuarsimavaa.

Vaavap suleqatigisarsimasai, ikinngutai minnerungitsumillu ilaqutai misiginneqatigalusi inuunerup ingerlaqqinnissaani sutigut tamatigut ajunngitsunik kissaappassi.

Bent Ole Kleist-ip, Vaavap, eqqaaneqarnera ataqqinartuugili!

 

Ikinngutinnersumik inuulluaqqusillunga

Kim Kielsen, Naalakkersuisut siulittaasuat