Imeq imigassaq ataatsimut akisussaaffigineqalersoq

Pinngortitamut, Avatangiisinut Nukissiuuteqarnermut Naalakkersuisoqarfiup imeq imigassaq tamakkiisumik akisussaaffigilerpaa

Kalaallit Nunaanni Uumasunut Nakorsaqarfik Inuussutissalerinermullu Oqartussaaffik Aalisarnermut, Piniarnermut Nunalerinermullu Naalakkersuisoqarfimmiittoq aamma Pinngortitamut, Avatangiisinut Nukissiuuteqarnermut Naalakkersuisoqarfik nalunaarput Naalakkersuisoqarfiit akunnerminni susassaqarfitik septembarip aallaqqaataanit 2016-imi allanngortillugit.

Naalakkersuisoqarfiit susassaqarfiisa allannguutaat tassaalerpoq Pinngortitamut, Avatangiisinut Nukissiuuteqarnermullu Naalakkersuisoqarfiup erngup imigassap pitsaassusaa aamma imermik pilersuiviit nakkutigineqarnerat pillugit Namminersorlutik Oqartussat nalunaarutaat nr. 7 17. marts 2008-meersoq tunngavigalugu siunissami isumagilissagaa.

Pinngortitamut, Avatangiisinut Nukissiuuteqarnermullu Naalakkersuisoqarfimmit uku akisussaaffigineqalerput:

- erngup imerneqartartup tappiorannartunik akuisa killissaannik nakkutiginnissalluni
- erngup imerneqartartup tappiorannartunik misissuiviisa atortuinik nakkutiginnissalluni
- nakkutilliinermi killigititaasut qaangerneqarsimappata imermik pilersuivinnik ingerlatsinermi pisortaq piumaffigineqarsinnaavoq erngup qalaqqaarneqarnissaanut aamma qalatseqqarnissaanut inassuteqartassasoq imeq mingoqarpallaalersimappat tunillaassuisinnaasunilluunniit mingoqarsimalerpat.

Susassaqarfiup allamit oqartussaaffinngortinnerata siunertaraa imeq imerneqartartoq qitiusumit oqartussaaffigilerneqarnissaa, nalunaarusiaq “Kalaallit Nunaanni erngup pitsaassusaa 2011-13” naapertorlugu.

Nalunaarummik nassitsisuupput:
Aalisarnermut, Piniarnermut Nunalerinermullu Naalakkersuisoqarfik Pinngortitamut, Avatangiisinut Nukissiuuteqarnermullu Naalakkersuisoqarfik


Attavigineqarsinnaavoq:
Óluva Niclasen, immikkoortortami pisortaq, Kalaallit Nunaanni Uumasunut Nakorsaqarfik Inuussutissalerinermullu Oqartussaaffik
E-mail: olni@nanoq.gl