Naalakkersuisut Siulittaasuat kuultimik Nersornaaserneqartoq

Naalakkersuisut Siulittaasuat Kim Kielsen Inatsisartut Siulittaasuannit Lars-Emil Johansensimit Hans Egedep Illuani arfininngornermi 17. september 2016 kuultimik Nersornaaserneqarpoq.

Inatsisartut Siulittaasuata Lars-Emil Johansenip nersornaasiinermut tunngavilersuutigaa Naalakkersuisut Siulittaasuat ukiorpassuarni naalakkersuinermik suliaqarsimammat maannalu Naalakkersuisunut Siulittaasuulluni.

Inatsisartut Siulittaasuat Lars-Emil Johansen oqalugiarnermini ilaatigut ima oqarpoq:

- Naalakkersuinikkut sulinerit najukkani ataasiakkaani inuiaqatigiit atugaannik ilisimasaqarnermik aallaaveqarpoq, naalakkersuinikkullu isiginneriaatsit najukkani pissutsit, minnerunngitsumik innuttaasut ulluinnarni atugaannik, toqqammaveqarluni. Tamannalu allanngorsmanngilaq, naak massakkut paffa paffa allaffeqalersimagaluarlutit – avatangiisit qaninnerit inuinnaallu suli qitiutittuarpatit.

- Naalakkersuinikkut sulisimanippit annertuumik tunniusimallutillu sulisimanerit takutippaa, tamannalu Siulittaasoqarfiup nersorniarpaa matumani kuultiusumik Nersornaaserneqarnikkut, Lars-Emil Johansen oqarpoq.

Naalakkersuisut Siulittaasuata Kim Kielsenip Nersornaaserneqarnerminut atatillugu qujassuteqarluni oqaaseqarami naalakkersuinermik sulinermini malitani, angummi oqaaserisimasai, eqqaavai:

- ”Imminut sullinniarlutit qinikkatut suliniaruit qinikkat akornanniissanngilatit. Inuiaqatigiit sullinniarlugit qinikkatut sulissuutit”. Ataatama oqarnera Siumut Inuusuttaannut aamma ingerlateqqikkusuppara,” Kim Kielsen Siumut Inuusuttaannit najuuttunut saalluni oqarpoq.

Nersornaasiinermit assit.

 

 

Paasisaqarnerorusuttut attavigisinnaavaat Tusagassiivimmi pisortaq Paornánguaq Kleist oqarasuaat +299 55 94 24 imaluunniit paok@nanoq.gl.