Nuup Tunullu siunissaat

Borgmester Asii Chemnitz Narup aamma Ineqarnermut, Sanaartornermut Attaveqaqatigiinnermullu Naalakkersuisoq Knud Kristiansen ataasinngormat 5. september 2016-imi kinguneqarluartorujussuarmik ataatsimeeqatigiipput. Naalakkersuisoq Knud Kristiansen Kommuneqarfik Sermersuumi, tassalu Ittoqqortoormiini, Tasiilami Nuummilu mittarfiit nutaat killiffiat pillugu nassuiaavoq. Asii Chemnitz Narup Nuummi ineriartortitsinissamut pilersaarutinik, kommunalbestyrelsimit suliarineqartunik pissanganaatilerujussuarnik saqqummiussivoq.

Asii Chemnitz Narupip aamma inissiarpassuit, Namminersorlutik Oqartussat inissiarsuaataanniittut inoqanngitsut annilaanganartoqartillugit oqarpoq. Knud Kristiansen ilisimatitsivoq, allaffeqarfimmi inissiat oqullit amerlassusaannik paasiniaalluni annertuumik aallussisoqartoq, taamaalilluni inissiat taakku iluarsaanneqarlutik najugaqarfigineqarsinnaalissallutik. Inissiani ataasiakkaani iluarsaassinissamut aningaasanik immikkoortitsisoqarpoq, aammalu amerlassusaat paasiniarlugit, kisiannili aamma pingaartumik aalajangersimasunik iluarsaassiniarluni suliat ingerlapput.

Kiisalu Namminersorlutik Oqartussat inissiaataannut pilersaarusiorluni suliat ingerlasut pillugit Knud Kristiansen ilisimatitsivoq. Taamaalilluni illutit suut isaterneqassanersut aammalu illuutit suut iluarsaanneqassanersut ersarissisussaavoq.