Inatsisartut ataatsimiititaliaata USA-mut paasisassarsiornerat naammassivoq

Inatsisartut Nunanut Allanut Sillimaniarnermullu Ataatsimiititaliaat Washington, D.C.-mut Colorado Springsimullu ulluni augustip 29-anit 31-ani 2016 paasisassarsiorlutik angalanerat naammassisimalerpoq. 

Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq paasisassarsiornermut peqataavortaaq, tamatumani Inatsisartut ukiaanerani ataatsimiinnermi illersornissamut sillimaniarnermullu tunngassutilinnik eqqartuinissamut piareersarnissaq siunertaalluni. 

Ataatsimut oqaaseqaat:

”Nunanut Allanut Sillimaniarnermullu Ataatsimiititaliaq Inuussutissarsiornermut, Suliffeqarnermut, Niuernermut Nunanullu allanut Naalakkersuisoq peqatigalugu Washington D.C.-mut Colorado Springsimullu USA-miittumut amerikamiut Kalaallit Nunaanni sakkutooqarnerannut tunngasut pillugit pitsaanerusumik paasisaqarusullutik angalaqqammerpoq. Angalaneq paasisaqarfiulluarpoq isumassarsiorfiulluarlunilu, makkuninngalu oqaaseqaateqarfigineqarluni:   

Ersarippoq USA-p Kalaallit Nunaanni sakkutooqarfeqarnerata Kalaallit Nunaannut naammaginartumik pissarsiffiusannginnera, taamatullu illersornissamut isumaqatigiissutip 1951-meersup tamatumalu kingorna tapiliunneqarsimasut Kalaallit Nunaata soqutigisaanut naammaginartumik qulakkeerinninngitsut. Tassani ilaatigut Thule Air Base pineqarpoq, aammattaarli USA-p Kalaallit Nunaanni illersornissamut isumaqatigiissutip imarisaani pineqartuni allani suliaqartarsimanerini, ilaatigut Kalaallit Nunaanni sakkutooqarfiit sanaartukkallu qimaannakkat amerlallutik. Pissutsit maanna killiffiat akuersaarneqarsinnaanngilaq.

Tamanna aallaavigalugu ataatsimiititaliap isumaqatigiittup Nunanut Allanut Naalakkersuisoq Washington D.C.-mi Colorado Springsimilu ataatsimiinnerni tapersersorpaa. USA-p Kunngeqarfiullu Danmarkip Illersornissamut isumaqatigiissummi 1951-meersumi tamatumalu kingorna tapiliunneqartuni Kalaallit Nunaata kalaallillu inuiaqatigiit ataavartumik tigussaasumik pitsaaqutinik qulakkeerinniffigineqarsimannginnerat Kalaallit Nunaannit akuersaarneqarsinnaanngilaq.

Thule Air Basemi kiffartuussinissamut isumaqatigiissuteqartarnerit ersersippaat taamatut aaqqissuussisimaneq qajannarpallaartoq inuiaqatigiinnullu kalaallinut ataatsimut isigalugu killilerujussuarmik iluaqutissiisartoq. Taamaattumik Naalakkersuisut ilungersorlutik ataavartumik aaqqiiniarlutik USA peqatigalugu aaqqiissuteqarniarnerat ataatsimiititaliamit tamakkiisumik tapersersorneqarpoq, tassuunakkut USA-p Kalaallit Nunaanni qaqugukkulluunniit sakkutooqarfeqarnera inuiaqatigiinnut kalaallinut annertunerpaamik iluaqutissarsiffigineqarniassammat.

Nunanut Allanut Sillimaniarnermullu Ataatsimiititaliaq Nunanut Allanut Naalakkersuisoq peqatigalugu amerikamiut nunatsinni sakkutooqarfeqarneranni sapinngisamik annertunerpaamik nunatsinnut inuiaqatigiinnullu iluanaarutaanissaa iluaqutaanissaalu qulakkeerniarlugu ilungersorluni sulivoq, apeqqutaatinnagu tamanna Illersornissamut isumaqatigiissut 1951-meersoq tamatumalu kingorna tapiliussat aqqutigalugit pissanersoq imaluunnit isumaqatigiissut tamarmi isumaqatiginniutigeqqinneqassanersoq.”

Ataatsimiititaliap Naalakkersuisullu Washington, D.C.-mi ilaatigut Deputy Assistant Secretary Benjamin Ziff State Departmentimeersoq ataatsimeeqatigineqarpoq, tassani illersornissamut tunngasut eqqartorneqarlutik taamatullu USA-p Issittumut sinniisaa Admiral Robert Papp peqatigalugu Issittumi Siunnersuisooqatigiinni suleqatigiinneq eqqartorneqarluni. Taamatuttaaq Ataatsimiititaliap Naalakkersuisullu Ugpeagvik Inupiat Corporation suliffeqarfissuarni assigiinngitsuni piginnaanernik ineriartortitsisimasoq ataatsimeeqatigaat. 

Colorado Springsimi North American Aerospace Defence Command (NORAD) taamatullu U.S. Northern Command (USNORTHCOM) pulaarneqarnissaannut ilisimatitsisoqarnissaanullu periarfissaqartoqarsimavoq. Tassani Ataatsimiititaliaq Naalakkersuisorlu Lieutenant General Dan Hokansonimit tikilluaqquneqarput. Taamatuttaaq Air Force Space Command pillugu Major General David Thompsonimit ilisimatitsissuteqartoqarpoq. Colorado Springsimi tikeraarneq naggaserlugu Cheyenne Mountain Air Force Station, Cheyenne Mountainerpiap iluani sakkutooqarfeqartoq pulaarneqarpoq. 

Inuussutissarsiornermut, Suliffeqarnermut, Niuernermut Nunanullu Allanut Naalakkersuisoq naggasiivoq: ”Uani angalanermi amerikami sakkutooqarfiit allaffeqarfiillu ataqatigiinneri pitsaasumik paasisaqarfigaavut – tassani amerikamiut Kalaallit Nunaanni sakkutooqarfeqarnera ilaavoq. Inatsisartut ukiaanerani ataatsimiinnissaanni pitsaasumik inerititaqarfiusumillu oqalliseqatigiinnissarput qilanaaraara.”

Saamiata tungaanit assimiipput:

-Lt. Col. Per Lyse Rasmussen, forsvarsattache, den danske ambassade i Washington D.C.
-Brigadier General Rich Heitkamp, U.S. Northern Command (USNORTHCOM) and North American Aerospace Defense Command (NORAD)
-Ambassadør Lars Bo Møller, den danske ambassade i Washington D.C.
-Justus Hansen, formand for Inatsisartuts Udenrigs- og Sikkerhedspolitiske Udvalg
-Lieutenant General Dan Hokanson, Deputy Commander of U.S. Northern Command (USNORTHCOM)
-Vittus Qujaukitsoq, Naalakkersuisoq for Erhverv, Arbejdsmarked, Handel og Udenrigsanliggender
-Inuuteq Holm Olsen, Repræsentationschef, Grønlands Repræsentation i Washington D.C.
-Per Rosing-Petersen, Medlem af Inatsisartuts Udenrigs- og Sikkerhedspolitiske Udvalg
-Kai Holst Andersen, Udenrigsdirektør, Udenrigsdirektoratet
-Vivian Motzfeldt, Medlem af Inatsisartuts Udenrigs- og Sikkerhedspolitiske Udvalg
-Colonel Don Davis, U.S. Northern Command (USNORTHCOM) and North American Aerospace Defense Command (NORAD)
-Sara Olsvig, Næstformand for Inatsisartuts Udenrigs- og Sikkerhedspolitiske Udvalg
-Craig Conway, US State Department Political Advisor
-Maliina Lyberth, fuldmægtig, Udenrigsdirektoratet
-Ann Lene Jensen, udvalgssekretær for Inatsisartuts Udenrigs- og Sikkerhedspolitiske Udvalg

Annertunerusumik paasisaqarusukkussi, attavigisiuk: nunanut allanut pisortaqarfiup pisortaa Kai Holst Andersen, +45 40 17 82 93.

-Lt. Col. Per Lyse Rasmussen, forsvarsattache, den danske ambassade i Washington D.C.
-Brigadier General Rich Heitkamp, U.S. Northern Command (USNORTHCOM) and North American Aerospace Defense Command (NORAD)
-Ambassadør Lars Bo Møller, den danske ambassade i Washington D.C.
-Justus Hansen, formand for Inatsisartuts Udenrigs- og Sikkerhedspolitiske Udvalg
-Lieutenant General Dan Hokanson, Deputy Commander of U.S. Northern Command (USNORTHCOM)
-Vittus Qujaukitsoq, Naalakkersuisoq for Erhverv, Arbejdsmarked, Handel og Udenrigsanliggender
-Inuuteq Holm Olsen, Repræsentationschef, Grønlands Repræsentation i Washington D.C.
-Per Rosing-Petersen, Medlem af Inatsisartuts Udenrigs- og Sikkerhedspolitiske Udvalg
-Kai Holst Andersen, Udenrigsdirektør, Udenrigsdirektoratet
-Vivian Motzfeldt, Medlem af Inatsisartuts Udenrigs- og Sikkerhedspolitiske Udvalg
-Colonel Don Davis, U.S. Northern Command (USNORTHCOM) and North American Aerospace Defense Command (NORAD)
-Sara Olsvig, Næstformand for Inatsisartuts Udenrigs- og Sikkerhedspolitiske Udvalg
-Craig Conway, US State Department Political Advisor
-Maliina Lyberth, fuldmægtig, Udenrigsdirektoratet
-Ann Lene Jensen, udvalgssekretær for Inatsisartuts Udenrigs- og Sikkerhedspolitiske Udvalg
-Lt. Col. Per Lyse Rasmussen, forsvarsattache, den danske ambassade i Washington D.C.
-Brigadier General Rich Heitkamp, U.S. Northern Command (USNORTHCOM) and North American Aerospace Defense Command (NORAD)
-Ambassadør Lars Bo Møller, den danske ambassade i Washington D.C.
-Justus Hansen, formand for Inatsisartuts Udenrigs- og Sikkerhedspolitiske Udvalg
-Lieutenant General Dan Hokanson, Deputy Commander of U.S. Northern Command (USNORTHCOM)
-Vittus Qujaukitsoq, Naalakkersuisoq for Erhverv, Arbejdsmarked, Handel og Udenrigsanliggender
-Inuuteq Holm Olsen, Repræsentationschef, Grønlands Repræsentation i Washington D.C.
-Per Rosing-Petersen, Medlem af Inatsisartuts Udenrigs- og Sikkerhedspolitiske Udvalg
-Kai Holst Andersen, Udenrigsdirektør, Udenrigsdirektoratet
-Vivian Motzfeldt, Medlem af Inatsisartuts Udenrigs- og Sikkerhedspolitiske Udvalg
-Colonel Don Davis, U.S. Northern Command (USNORTHCOM) and North American Aerospace Defense Command (NORAD)
-Sara Olsvig, Næstformand for Inatsisartuts Udenrigs- og Sikkerhedspolitiske Udvalg
-Craig Conway, US State Department Political Advisor
-Maliina Lyberth, fuldmægtig, Udenrigsdirektoratet
-Ann Lene Jensen, udvalgssekretær for Inatsisartuts Udenrigs- og Sikkerhedspolitiske Udvalg