Qamutilissorluni tikaagullittassat ilaat ataatsimoorluni tikaagullittassanut nuunneqarput

Aalisarnermut, Piniarnermut Nunalerinermullu Naalakkersuisup KNAPK, KANUKOKA aamma Kommuneqarfik Sermersooq tusarniareerlugit qamutilissorluni tikaagullittassiissutinit 25-t qoorortoorsorluni tikaagullittassanut nuunnissaat aalajangerpaa, taamaasilluni angallatit qamutilillit tikaagullittassaat maanna 74-t sinnerupput.

Aalisarnermut, Piniarnermut Nunalerinermullu Naalakkersuisoq piniarnermi killiffik tunngavigalugu 6. september 2016-imiit atuutilersumik aalajangerpoq tikaagulliit 25-it Nunatta kitaani ataatsimoorluni tikaagullittassiissutinut nuunneqassasut. Nuussinissamut ulluliussaq sioqqullugu piniarneq tamarmi inerteqqutaavoq aatsaallu najukkami aalisartut piniartullu peqatigiiffiannik tusarniaasoqareerpat aamma nutaamik agguaaseqqinneq tamanut nalunaarutigineqareerpat aallarteqqinneqarsinnaalluni.

17. december 2015-imi aamma 26. februar 2016-imi tusagassiorfinnut nalunaarutini, Kitaani ukiumut tikaagullinnik pisassiissutit 179-it pillugit ilisimatitsissuteqartoqarpoq. Ataatsimoorluni piniarnermi tikaagulliit 45-rut pisassiissutigineqarput qamutilinnillu tuukkartalinnik piniarnermit 134-it pisassiissutigineqarlutik. Tunumi pisassiissutit tamakkerlugit 15-iupput.

Ulloq 31. august killiffigalugu Kitaani tikaagulliit 29-it ataatsimoorluni piniarnermi aamma qamutilinnik tuukkartalinnik piniarnermit tikaagulliit 35-it pisarineqarsimapput, tassalu nuussereernerup kingorna pisassiissutinit 41-it aamma 74-it sinnerullutik. Tunumi tikaagulliit 8-it pisarineqarsimapput pisassiisutit 7-nik sinneqalerlutik.

Kalaallit Nunaata kitaani nuussineq (ilassutit) ima kinguneqarpoq:

Qaasuitsup kommunia                              15

Qeqqata kommunia                                   4

Kommuneqarfiup Sermersuup Kitaa       2

Kommuni Kujalleq                                     4

Katillugit:                                                   25

 

Qipoqqartassiissutinut tunngatillugu kommunit sisamaasunut tamarmik maannakkut pisassiissutigineqarnikuusut akuersissutigineqarsimasullu allanngortinneqanngillat.

Nunatta kitaani    2016-imi pisat    2016-imi pisassiissutit
Qaasuitsup  

 3

Qeqqata  

 3

Sermersooq

 1

 4

Kujalleq  

 2

Ilanngussaq

 

Sukumiinerusumik paasissutissanik pissarsiniaraanni attavigisassaq:
Immikkoortortami pisortaq Amalie Jessen (+299) 345304, e-mail
amalie@nanoq.gl