Nuup Kangerluani nannut qaninngoortut pillugit paasissutissiineq

Aalisarnermut, Piniarnermut Nunalerinermullu Naalakkersuisoqarfiup (APNN) nalunaarutigissavaa Nuup Kangerluani; Akiani Kanajutsiaat Kanajorsuillu eqqaanni nannut marluk takuneqarsimanerat. Inuit aavartut eqalunniat allallu nannunut mianersoqquneqarput. Inuit susassaqanngitsut eqqaaniinnissaat kissaatigineqanngilaq. Piniarnermut Aalisarnermullu Nakkutilliisunit alakkarterneqarput.

APNN-ip tusagassiorfinnut nalunaarummut uunga ”Nannunik takunninnermi najoqqutassaq” ilanngussatut ilannguppaa, taanna qaqugukkulluunniit malinneqassaaq.

Aammattaaq allakkiaq ilanngunneqarpoq ”problembjørne i Grønland Grl”, tassani najoqqutassami immikkoortut pingaarnerit erseqqissarneqarsimapput.

Nannunik takunnikkaanni, piniarnermut nakkutilliisoq ergerluni attavigineqassaaq, APNN-imi pigaartup oqarasuaataa imaluunniit Nuummi politiit.

Aammattaaq oqarasuaatikkut ammasarfiit nalinginnaasut avataatigut APNN attavigineqarsinnaavoq pigaartup oqarasuaataa normu: 482520 imal. 55 33 42

APNN-ip ilisimatitsissutigissavaa, Nuup eqqaani nannuttassat pisassiissutaasut tamakkerneqarnikuummata.

Sukumiinerusumik paasissutissanik pissarsiniaraanni attavigisassaq: Immikkoortortami pisortaqq Amalie Jessen (+299) 34 53 04, e-mail: amalie@nanoq.gl