Ataatsimoorullugu nalunaarut

Nunani Avannarlerni Killerni Nunanut Allanut ministerit pingasut; Poul Michelsen, Savalimmiut, Lilja Alfreðsdóttir, Island kiisalu Vittus Qujaukitsoq, Kalaallit Nunaat 21.-22. august 2016 nunanut allanut niueqatigiinnermullu politikki nunanut taakkununnga pingasuusunut ataatsimut pingaarutillit eqqartorlugit Torshavnimi ataatsimiipput.

Nunarsuarmioqatigiinni Nunat Avannarliit Killiit pingaaruteqarnerat soqutigineqarnerallu annertusiartorpoq. Nunani Avannarlerni Killerni innuttaasut soqutigisaat pitsaanerpaamik suliarissagaanni pingaaruteqarpoq ataatsimoortumik qanittumillu suleqatigiilluni ataatsimoorullugit niuernikkut nunanullu allanut politikkikkut tunngasutigut ingerlatsinissaq.

Tuluit Nunaata europami suleqatigiinnermit EU-mit aninerat nunat avannarliit killiit niuernikkut ataatsimut soqutigisaat kalluarsinnaavaat, taamaattumik ataatsimut soqutigisavut ajunnginnerpaamik inissinnissaat qulakkeerniarlugit uammilligassat suliarilluarneqarnissaat pingaaruteqarpoq.

Torshavnimi ataatsimiinnermi qulequttat marluk pingaartumik oqaluuserineqarput: 

Siulliullugu aalajangiunneqarpoq nunat pingasut suleqatigiissutigisinnaasaat pillugit suleqatigiinnissamik isumaqatigiissutissatut siunnersuusiortussanik suleqatigiisitanik pilersitsinissaq. Kalaallit Nunaanni inatsisartut, Islandimi  Alting Savalimmiunilu Løgting Nunat Avannarliit Killiit Siunnersuisoqatigiivini innersuut nr. 1/2015-meersup (suleqatigiisitamik niueqatigiinnermi killilersugaanngitsumik ingerlanermi taamatullu Nunat Avannarliit Killiit niuernikkut siunnersuisoqatigiivinik pilersitsinissamut suliaqartussat) ataatsimut iluaqutissat ingerlaqqinneraa. Suleqatigiisitaliap siullermeerluni ataatsimiinnissaannut Kalaallit Nunaat tikeraartitsisuuniarluni nalunaaruteqarpoq, taamaalilluni ataatsimeeqqaarnissaat qaammat oktoberi Nuummi ingerlanneqassaaq. Suleqatigiisitattaaq eqqartugassaasa ilagissavaat nunat isumaqatigiissutit avataaniittut niuernikkut nunanut avannarlernut killernut ataatsimut suleqatigiinnermikkut iluaqutissartai pillugit eqqartuissapput. 

Taamatuttaaq eqqartorneqarpoq nunat pineqartut pingasuusut nunanut allanut ministeriisa ukiumoortumik ataatsimiittarnissaat aallartinneqassasoq. Inernerivaalu nunat taakku pingasuusut aalajangiummassuk ukiut tamaasa ataatsimiittassasut niuernikkut nunanullu allanut ataatsimut soqutigisat eqqartortassallugit. Ministerit tulliani ataatsimiissapput 2017-mi Islandimi.

Kvívík, den    /    2016 Kvívík, den    /    2016  Kvívík, den    /    2016 
Lilja Alfreðsdóttir
Nunanut Allanut
Naalakkersuisoq
Island
Poul Michelsen
Nunanut Allanut
Inuussutissarsiornermullu
Nunanullu Allanut Naalakkersuisoq
Savalimmiut
Vittus Qujaukitsoq
Inuussutissarsiornermut,
Sulisoqarnermut, Niuernermut
Kalaallit Nunaat

Saaffigineqarsinnaavoq Nunanut Allanut Pisortaqarfimmi pisortaq Kai Holst Andersen, kaoa@nanoq.gl, mobil: +4540178293