Jens Heinrich Saammaateqatigiinnissamut Isumalioqatigiissitamiikkunnaarpoq

Soorlu tusagassiuutitigut sisamanngornermi allaaserineqarluni nalunaarutigineqartoq, Saammaateqatigiinnissamut Isumalioqatigiissitami siulittaasup tullia Jens Heinrich aalajangersimasoq nutaanik unammillernarsinnaasunik suliaqalerniarluni, taamatullu isumalioqatigiissitamiit tunuarluni.

Saammaateqatigiinnissamut Isumalioqatigiissitami siulittaasoq Josef Therkildsen Jens Heinrichip tunuarnera pillugu ima oqaaseqarpoq.

Jensi qanilaartuugami suleqatikkuminaqaaq, ilisimasarpassuarminik Saammaateqatigiinnissamut Isumalioqatigiissitami ataatsimeeqataasarnermini tunniussarpassui ullumikkut atorluarpavut, suliattalu naammassiartuaarnerini suli annertunerusumik atortarumaarlutigit. 

Nunani assigiinngitsuni Jensip ilisimatuussutsikkut suleqateqartarnermini nunarput pillugu ilisarisimasarpassuarminik saaffigineqartarpoq, taamaalilluta suliatsinnut tunngassuteqartut nunatta avataanit nalunnginneqarnerinut peqqutaalluinnarluni.

Jensi siunissami sulilluarnissaanik, soqutigisaminillu maanna suliffittaaminit toqqagaanera ataqqilluinnarlugu, suleqatigisarnissaalu suli ilimagilluinnarlugu pilluaqquarput”. 

Jens Heinrichip taartissaanik, taamatullu isumalioqatigiissitami siulittaasup tullissaanik ujarlerneq maanna sulissutigineqalereerpoq.

Sukumiinerusumik paasisaqarusuttut Saammaateqatigiinnissamut Isumalioqatigiissitap allattoqarfiani pisortamut Steen R. Jeppson-imut saaffiginnissinnaapput, oqarasuaat 34 51 36 imaluunniit e-mail: sjps@nanoq.gl

Nittartagaq: http://saammaatta.gl/kl-GL

Facebook: Saammaateqatigiinnissaq