Taateraat piniagaanerat

Aalisarnermut, Piniarnermut Nunalerinermullu Naalakkersuisoqarfiup matumuuna eqqaasitsissutigissavaa taateraat piniagaaffiat augustip 15-iani aatsaat aallartissammat.

Timmissat pillugit nalunaarut atuuttoq Timmissat illersorneqarnerat pinia­gaa­nerallu pillugit Namminersornerullutik Oqartussat nalunaarutaat nr. 8, 2. marts 2009-meer­soq § 6 naapertorlugu taateraat piffissami augustip 15-ianiit februaarip 28./29-ata tungaanut piniarneqarsinnaapput.

Nalunaarummi atuuttumi aalajangersakkanik unioqqutitsineq timmissat illersugaanerat pinia­gaa­nerallu pillugu nalunaarut § 23 malillugu akiliisitsinermik pineqaatissiis­sutaasin­naavoq.

Paasissutissat sukumiinerusut nittartakkami www.businessingreenland.gl-imi pissarsiari­ne­qarsinnaapput imaluunniit Naalakkersuisoqarfimmi piniarnermut aallaaniarnermullu immik­koor­tortaqarfimmut oqarasuaat 34 50 00, imaluunniit e-mail: APNN@nanoq.gl saaffigin­nin­nikkut pissarsiarineqarsinnaapput.

Paasissutissat annertunerusut paasiniarneqarsinnaapput uunga saaffiginnikkut: Allaffimmi pisortaagallartoq Nette Levermann oqarasuaat (+ 299) 34 53 44, e-mail:  nele@nanoq.gl