Qeqertarsuatsiaat eqqaani nannut

Aalisarnermut, Piniarnermut Nunalerinermullu Naalakkersuisoqarfiup (APNN) nalunaarutigissavaa Qeqertarsuatsiaat eqqaani nannut marluk takuneqarsimanerat. Inuit aavartut eqalunniat allallu nannunut mianersoqquneqarput.

APNN-ip tusagassiorfinnut nalunaarummut uunga ”Nannunik takunninnermi najoqqutassaq” ilanngussatut ilannguppaa, taanna qaqugukkulluunniit malinneqassaaq.

Aammattaaq allakkiaq ilanngunneqarpoq ”Kalaallit Nunnaani nannut ajornartorsiutaasut”, tassani najoqqutassami immikkoortut pingaarnerit erseqqissarneqarsimapput. 

Nannunik takunnikkaanni, piniarnermut nakkutilliisoq ergerluni attavigineqassaaq, APNN-imi pigaartup oqarasuaataa imaluunniit Nuummi politiit.

Aammattaaq oqarasuaatikkut ammasarfiit nalinginnaasut avataatigut APNN attavigineqarsinnaavoq pigaartup oqarasuaataa normu: 482520 

APNN-ip ilisimatitsissutigissavaa, Nuup eqqaani nannuttassat pisassiissutaasut tamakkerneqarnikuummata.

Sukumiinerusumik paasissutissanik pissarsiniaraanni attavigisassaq:
Allaffimmi pisortaagallartoq Nette Levermann (+299) 34 53 44, e-mail: nele@nanoq.gl

Innuttaasunut paasissutissiineq - Kalaallit Nunaanni nannut ajornartorsiutaasut

Nannunik takunninnermi najoqqutassaq