Kalaallit Airports A/S sulilluni aallartippoq

Inatsisartut Aningaasaqarnermut Akileraartarnermullu Ataatsimiititaliaanit akuerineqareerluni Kalaallit Airport A/S maanna pilersinneqarpoq siulersuisunngortullu suliassatsinnik annertoqisumik aallartitsereerlutik. Inatsisartut Naalakkersuisunut tapersiinerisigut Qaqortumi mittarfiliornissamut kiisalu Nuummi ilulissanilu mittarfiit 2.200 meterinut tallinissaannut Kalaallit Airports A/S sanaartortuussapput. 

Suliniummik ingerlatsinissap qularnaatsumik tatiginartumillu ingerlatsinissamut Kalaallit Airports A/Sip siulersuisui taamak sukkatigisumik   aallartissinnaasimammata Naalakkersuisut naammagisimaarpaat.

Kalaallit Airports A/S-imi siulittaasup Leo Larsenip oqarneratut silersuisut sapaatip akunnerata matuma siuliani ataatsimeeqqaarnerminni atuutilerput, maannalu mittarfiit pingasut sanaartorneqarnissaasa pilersaarusiorneqarlunilu  naatsorsorneqassaaq, soorlu aamma mittarfiit ingerlanneqarnissaasa pitsaasumik aningaasaqarnissaa qulakkeerneqassalluni. Minnerunngitsumillu suliniutit aningaasartalerneqarnissaat aqqutissiorneqartussaavoq.

Allatut oqaatigalugu mittarfiit pingasut aalajangerneqarneratut pilersinneqassapput nukittuumillu aningaasaqarnikkut ingerlanneqassallutik, soorlu siulersuisunut siulittaasoq taamak oqartoq.

Suliassarujussuaq piumasaqaatitalerujussuaq siulersuisut akisussaaffiginiarlugu tiguat. Taamaammat Kalaallit Airports A/S-imi siuulersuisut sulilluarnissaannik kissaatissallugit pissusissamisoorpoq.

Kim Kielsen