Kapisilinniarneq aallartissaaq 15. august 2016

Naalakkersuisut aalajangerput ukioq manna 15. august 2016 aallartissasoq unissasorlu 31. oktober. 2016-mut 32 tonsit pisassiissutigineqarput. Oktoberip 31-utinnagu 32 tonsit tamakkerneqarpata aalisarneq erngerluni unitsinneqassaaq, tamanna tusagassiuutitigut nalunaarutigineqassaaq.

Inuussutissarsiutigalugu aalisartut kapisilinniarniarunik akuersissuteqassapput. Pisat tunitsivinnut tuneqqusaanngillat taamaattorli kalaalimineerniarfinniit tuniniarneqarsinnaapput, kiisalu neriniartarfinnut, akunnittarfinnut suliffeqarfinnulluunniit tunineqarsinnaallutik.

Sunngiffimmi aalisartut taamaallaat namminneq atugassaminnik pisaqarsinnaapput. Inussutissarsiutigalugu sunngiffimmilu aalisartut tamarmik pisaminnik nalunaaruteqassapput. Pisanik nalunaarfissaq linkimi uani aaneqarsinnaavoq businessingreenland.gl-imi Sinerissap qanittuani aalisarnermut akuersissutit iluani aamma Grønlands Fiskeri Licens kontrol GFLK-mut 345000-mut sianerluni allalluniluunniit gflk@nanoq.gl pissarsiarineqarsinnaalluni. Pisanik nalunaaruteqarneq pisassaaq inuussutissarsiutigalugu aalisartup tunisinerit tamaasa sunngiffimmilu aalisartup qassusiarnerit tamaasa.

Kalaallit Nunaata NASCO-llu 2015-2017-mut isumaqatigiissutaat tunngavigalugu ukiumut pisassiissutit 45-ussasut aalajangerneqarpoq. Taamaattoq 2016-mi pisassiissutit 32 tonsiinnaassapput 2015-imi pisassiissutigineqartunit 13 tonsinik sippuisimaneq pissutigalugu.

Annertunerusumik paasisaqarusunnermi saaffigineqarsinnaavoq Emanuel Rosing, Aalisarnermut, Piniarnermut Nunalerinermullu Naalakkersuisoqarfik, e-mail: emanuel@nanoq.gl