Kalaallit Aiports A/S

Kalaallit Nunaanni Namminersorlutik Oqartussat Naalakkersuisut aqqutigalugit ulloq 01. juli 2016 aktiaatileqatigiiffik Kalaallit Aiports A/S pilersippaat. Aktiaatileqatigiiffik nutaaq Namminersorlutik Oqartussanit pigineqartoq mittarfinnut pilersaarutit suliaralugit nanginneranni pilersinneqarlunilu atorneqassaaq.  Aktiaatileqatigiiffiup taassuma suleqatigiiffik pisinnaasalik sulilluarsinnaasorlu mittarfilerisartunik misilittagaqarluartunik sulisinnaasoq suleqatigalugu pilersinneqarpoq.  Namminersorlutik Oqartussat Naalakkersuisut peqatigalugit ingerlatseqatigiiffimmi aktiaatinik tamanik pilersitsisuullutillu piginnittuupput.

Pilersitsisoqarnerani Kalaallit Airports A/S-imi inissitsiterilluni ataatsimeersuartoqarpoq. Ingerlatseqatigiiffimmut ileqqoreqqusat, direktørimik atorfinitsitsisoqarnissaa kiisalu ingerlatseqatigiiffiup siulersuisussai nutaat ikkunneqarnerat ilaatigut oqaluuserineqarput. Kalaallit Airportimi siulersuisut tullermik ataatsimiittoqarnissaata tungaanut ukuninnga inuttaqarput.

Leo Larsen (Siulittaasoq)

Aviâja Lyberth Lennert, siulittaasup tullia

Anna-Berit Koertz

Jàkup Sverri Kass

Peter Christiansen

Siulersuisut juulip 21-anni inissipput, tassanilu Aviâja Lyberth Lennert ingerlatseqatigiiffiup siulersuisuini siulittaasup tulliatut qinigaavoq.  Siulersuisuniit Jákup Sverri Kass direktøritut atorfinitsinneqarpoq, ingerlatseqatigiiffiullu pilersinnerani aqutsisuussalluni.   Ingerlatseqatigiiffimmi aqutsisussanik ataannartussanik atorfinitsitsinissaq siulersuisut nutaat siullerpaat ilaattut suliassarissavaat, aqutsisussallu pilersaarutitut suleqatigiiffissap pilersinneranik ingerlanneranillu suliaqassapput.  

Ingerlatseqatigiiffiup taassumalu pilersaarummut suleqatigiissitai teknikikkut misissuinissat pisariaqartinneqartut, niuerfissanik misissuinissat aningaasalersuinissallu pillugit isumaqatigiissutinik atsiortitsinissat isumagissavaat, taakkunanngalu suleqatigisat assigiinngitsut Nuummi, Qaqortumi Ilulissanilu mittarfeqarfinnik suluusalinnullu mittarfiliornissat isumagissavaat. 

Naalakkersuisut Siulittaasuata Kalaallit Airportimi aqutsisut sulilluarnissaannik kissaappai, mittarfeqarfinngortussanilu angusassat qilanaaralugit. 

 

Annertunerusunik attaveqarfissaq: Lars Balslev, immikkoortortaqarfiup pisortaa, Ingerlatseqatigiiffinnut Allattoqarfik, oqarasuaat 34 51 27