Ajunaartut nunatsinneersortaqarnerannik nalunaaruteqartoqanngilaq

Danskit nunanut allanut ministereqarfiata sullissivianiit paasissutissiissutigineqarpoq Nice-mi ajunaartut qallunaartaqarnerannik – kalaalersaqarnerannillu – nalunaarutiginnittoqarsimanngitsoq.

Taamaattorli danskisut innuttaassusilinnik Nice-miittoqarnera qularutigineqanngitsoq ilanngullugu nalunaarutigineqarpoq.

Danskit – aamma nunatsinni innuttaasut – massakkut Nice-miittut kajumissaarneqarput franskit oqartussaasuisa innersuussutaat malissagaat, taavalu qanoq innertik pillugit qanigisatik ilisimatillugit attavigissagaat.

Danskit – aamma nunatsinni innuttaasut – Nice-miittut ikiorneqartariaqarunik danskit nunanut allanut ministereqarfiata sullissivianut attaveqaqquneqarput, oqarasuaammut:  +45 33 92 11 12.