Kalaallit Nunaannit Islandimut uumasunit tunisassiat eqqunnerat aqqusaarunnerallu

Siorna Naalakkersuisut Islandimi oqartussaasunut kissaatigaat Kalaallit Nunaannit Islandimut angalasunut nunanullu allanut ingerlaqqinniartunut Island aqqusaarlugu uumasut neqaanik nassarnissaminnut periarfissanik qasukkaaqqullugit. Tamatumunnga atatillugu maleruagassanik immikkut ittunik suliaqartoqarsimavoq, taamaaliornissaq periarfissillugu. Maleruagassat atuutilersimasut allakkiami ilanngussamiipput. Maleruagassat taakku malillugit ilaasut nassataminni assersuutigalugu tuttup neqqanik nassartut nunamullu allamut ingerlaqqinniartut ilanngaaserisoqarfimmut saaffiginnissapput neqillu Islandikkoortinissaanik akuersissummik qinnuteqarlutik. Taava neqi puussiamut tassunga atorneqartussamut matullugu toqqorneqassaaq, taannalu assersuutigalugu Keflavikip mittarfianit aallanernermi takutinneqarluni. Neqi 10 kilo tikillugu nassarneqarsinnaavoq.

Maleruagassat uani pissarsiarineqarsinnaapput. 

Paasisaqarnerorusuttut attaveqarfigisinnaasaat: Monika Paulli Andersen, Nunanut Allanut Pisortaqarfik, Tel: +(299) 345157, mobil: (+299) 553320, Email: mopa@nanoq.gl, imaluunniit, Islandip Nuummi Generalkonsuuleqarfia, Tel: +(299) 34 83 80, Email: pa@mfa.is