Qaasuitsup Kommunia nakkutigisaajunnaarpoq

Qaasuitsup Kommuniata aningaasaqarnera ilimagisamit pitsaaneruvoq. Taamaattumik Qaasuitsup Kommunia aamma Namminersorlutik Oqartussat isumaqatigiipput kommunip nakkutigisaanera ?? juni 2016-imit atorunnaassasoq. Qaasuitsup Kommuniata aningaasaqarneranik nakkutiginninneq apriilimi 2015-imi aallartippoq.

Nakkutiginninnerup tunngavigaa Qaasuitsup Kommuniata akiitsunut isumaqatigiissutip sivitsorumallugu 2015-imi kissaateqarnera.

Kommunip akiitsui qaffakkiartorsimasut 2009-mi kommunerujussuanngornermit aallaaveqarput. Taamani Namminersorlutik Oqartussanit 60 millioner koruuninik akiliutigeriaannagassatut taarsigassarsivoq – aningaasat 2015-imi utertinneqartussat. Qaasuitsup Kommuniata 2015-imi kissaatigaa akiitsuminik utertitsinissani kinguartissallugu, kommunip aningaasaqarnikkut ingerlanerlunnera pissutigalugu. Namminersorlutik Oqartussanik isumaqatiginninnerup ilaatut kommunip aningaasaqarnera nakkutigineqalerpoq.

Piffissami aningaasaliinissat annertuut kommunimi pisariaqartinneranni, nuannaarutigalugu oqaatigissavara kommuni Namminersorlutik Oqartussanit nakkutigineqarunnaarmat. Tamatumunnga pissutaavoq, sukangasuumik aningaasanik aqutsinikkut, tulluarsaanikkut kiisalu isertitat annertusinerisigut kommunip aningaasaqarnini aqussinnaalermagu”, Ole Dorph, Qaasuitsup Kommuniani borgmesteri taama oqarpoq.

”Nuannaarutigaara, kommunip aningaasaqarnini aqussinnaanngormagu, taamaasillutillu akiitsutik ilimagisamit sukkanerusumik akilersorsinnaanngorlugit”, taama oqarpoq Randi Vestergaard Evaldsen, Aningaasaqarnermut Aatsitassanullu Naalakkersuisoq naammagisimaarinnilluni, nangillunilu:

”Ukiualunnguit qaangiupput kommunit pingasut nakkutigisaammata. Maannakkut nakkutigisaasoqanngilaq. Tamatuma takutippaa nakkutiginnineq iluaqutaasoq. Tamannalu ineriartorneruvoq pitsaasoq”.

Qaasuitsup Kommuniata immikkoortunut arlalinnut aggorneqarsinnaaneranut atatillugu, nuannaarutigaara, kommunip aningaasaqarnera qajannaatsutut isikkoqarmat.

Inussiarnersumik Inuulluaqqusillunga

 

Ole Dorph  Randi Vestergaard Evaldsen
Borgmester, Qaasuitsup Kommunia  Aningaasaqarnermut Aatsitassanullu Naalakkersuisoq

Attavigiuk: Tusagassiinermi ataqatigiissaarisoq Martin Christiansen mobiltelefon – 221533.

Attavigiuk: Hans Eriksen, Pisortaaneq, Qaasuitsup Kommunia mobil 544964