Inuussutissarsiornermi nalunaarut nutaaq

Nunami inuussutissarsiutinik inuussutissarsiornermi siuarsaaneq pillugu nalunaarut nutaaq

Nioqqutissianik ineriartortitsinernut, avammut niuernermik siuarsaanernut, professioniliusumik siunnersuisarnermut (qiortagaq), sermimik imermillu suliniutinut aamma takornariartitsinermi suliniutinut tapiissuteqarneq pillugit Namminersorlutik Oqartussat nalunaarutaat nr. 14 ulloq 27. juuni 2016-imeersoq ulloq 1. juli 2016 atuutilerpoq.

Nalunaarut Naalakkersuisut Kalaallit Nunaanni aallarnisaasunut atugassarititaasunut killissaliussat nukittorsarnissaannut nutarternissaannullu suliaqarnerannut ilaavoq, tassami suliniutinut inuussutissarsiornermik atituumik, assigiinngisitaartumik imminullu nammassinnaasumik siuarsaasussanut, kiisalu aningaasaqarnikkut siuariartornermut iluaqutaasinnaasunut, tapersiisarnerup qulakkeerneqarnissaa Naalakkersuisut ersarilluinnartumik kissaatigaat.

Nalunaarummi nalunaarut atuutereersoq nutarterneqarpoq, aamma tapersiisarnermut aaqqissuussanut tallimanut tunngassuteqarluni (aningaasartanut killissaliussat ungaluusami allassimapput):

  • Kittaartagaq (kr. 25.000),
  • Tunisassianik ineriartortitsineq (kr. 300.000),
  • Ingerlatassanut avammut niuerutiginnittarnermik siuarsaasussanut tapersiisarneq (kr. 100.000),
  • Kalaallit nerisassaataannik siuarsaanermut tapersiisarneq (kr. 300.000),
  • Sermimit aamma imermit suliniutit aamma takornariartitsisarnermut suliniutinut tapersiisarneq (kr. 300.000).

Nalunaarut tamanut saqqummersitsinermut nittartakkami nassaarineqarsinnaavoq: 

http://naalakkersuisut.gl/~/media/Nanoq/Files/Kundgoerelser/DK/2016/Bekendtgoerelser/Erhvervsfremme%20bekendtgrelse%20af%2027%20juni%202016%20DA.pdf

Paasissutissat annertunerusut pissarsiarineqarsinnaapput, una attaveqarfigalugu: Naalakkersuisoqarfimmi pisortaq Jørn Skov Nielsen, 34 50 00 imaluunniit jsn@nanoq.gl