Tusagassiuutit pillugit aalajangiisartunit aalajangiussaq Naalakkersuisunut tapersiivoq

Tusagassiorfinnut tapiissutaasartut pillugit aviisip AG-p aamma nutaarsiassaqartitsiviup sermitsiaq.ag-p siorna piffissami sivisujaami allaaserisaqaqattaarnermik nalaani 2015-imi novembarimi qulequtsiussamik ilaanni saqqummiuppaat tusagassiorfinnut tapiissutissat pillugit Naalakkersuisut suliarinninnerminni Inatsisartut salloqittarsimagaat.

Naalakkersuisut isumaat naapertorlugu aviisi AG aamma nittartakkakkut nutaarsiassaqartitsivik sermitsiaq.ag taamanikkut eqqunngitsumik tunngavissaqanngitsumillu allaaserisaminni saqqummiussaqarput, allakkamik tusagassiorfinnut tapiissutigineqartartut pillugit Naalakkersuisut suliarinninnerminni Inatsisartut salloqittarsimagaat.

Tamanna pissutigalugu Naalakkersuisut pissusissamisoortut isigaat aviisi AG aamma nittartakkakkut nutaarsiassaqartitsivik sermitsiaq.ag Tusagassiutit pillugit aalajangiisartunut suliakkiissutigineqarnissaat, taamaaliornikkut siunertaralugu saqqummiussat eqqunngitsut naqqiissuteqarfigineqassasut, taavalu aamma neriuutigalugu tusagassiorfiit taakku siunissami tusagassiornermi ileqqorissaarnissamut tunngatillugu maleruagassat ataqqinerullugit periaaseqalersinnaajumaartut.

Tusagassiuutit pillugit aalajangiisartunit aalajangiussaq Naalakkersuisut ullumi tiguaat, tassanilu AG aamma sermitsiaq.ag isornartorsiorneqarlutik uparuarneqarput, aalajangiisartuniillu aalajangiunneqarpoq Inatsisartut Naalakkersuisuniit salloqittarneqarsimanerannik allaaserinninnissamut toqqammavissaqanngitsoq.

AG aamma sermitsiaq.ag Tusagassiuutit pillugit aalajangiisartuniit peqquneqarput aalajangiineq pillugu eqikkakkamik saqqummiussaqassasut.

Annerusumik paasisaqarusuttut uunga allassinnaapput: info@nanoq.gl