Aasaq manna avaleraasartoorniarneq aallartippoq

Ingerlatitseqatigiiffiup Arctic Prime Fisherip aalisariutaataa Ilivileq Tunumi ulluni kingullerni avaleraasartuut 146 tonsit pisarai. Ilivileq kisiartaalluni maannakkut avaleraasartoorniartuuvoq.

Tunumi ukioq manna avaleraasartoortassat  85.000 tonsiupput.

Avaleraasartoortassat aalisartartoqatigiinnit assigiinngitsunit pingasunit aalisarneqarsinnaapput.

35.000 tonsit kalaallit aalisariutaataannit aalisarneqarsinnaallutik, 20.000 tonsit nunamiut allamiut aalisariutaataannit, nunatsinni ingerlatseqatigiiffinnit aalisariutaatilinnit attartorneqarlutik aalisarsinnaallutik, kiisalu 30.000 tonsit ingerlatseqatigiiffinnut namminneerlutik aalisariutaatilinnit aalisarneqarsinnaallutik.

Aalisarnermut, Piniarnermut Nunalerinermullu Naalakkersuisoqarfiup avaleraasartoorniarsinnaanermut akuersissutit 13-it maannamut tunniussimavai, aalisariutit 20-t missaanniittut aasaq manna avaleraasartoorniassallutik.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. Mail: emanuel@nanoq.gl