Fangstråd-ip 14. juni 2016 ataatsimiinneranit tamanut ammasumik oqaaseqaat

Stemningsbillede

Piniarneq pillugu Siunnersuisoqatigiit (PPS) 14. juni 2016-imi ataatsimiinneranit makkuninnga tamanut ammasumik oqaaseqaateqassaaq:

1) Tuttut umimmaallu uumassusilerisunit misissuiffigineqarnissaasa sulissutigine­qar­nissaat Naalakkersuisut Pinngortitaleriffillu PPS-imit kaammattorneqarput, taamaalil­luni piniakkanut taakku­nunnga uumas­susilerisunit siunnersuineq nutartigaq pissar­sia­risin­naaqqullugu. Takusanit kisitsisarnerit (minimums­tællinger) uumassusi­le­risunit misissui­vin­nerinut tapertaalluartartut PPS isumaqarpoq, kisiannili isuma­qarluni pisassiissu­tis­sanut siunnersuinissamut tunngavigis­sallugit atornis­saannut naammanngitsut. Misissuinerit amigaatigineqarnerat pissutigalugu uumasoqatigiit immikkoortuisa ilaannut ajalusoortoqarsinnaanera PPS-imit ernu­mas­su­tigineqarpoq. Aammaattaaq ukiukkut tuttunniarnerup umimmanniarnerullu attatiin­nar­ne­qarnera PPS-imit tapersersorne­qan­nginnera oqaaseqaatigineqarpoq.

2)  Timmissat manniinik naajaanngitsut manniinik allanik mannissarniarnissamut Naalakkersuisut ammaassinissaat Piniarneq pillugu Siunnersuisoqatigiinnit kaammattorneqarput, isumalluutit taakkua nammineq pilersornissamut annertuumik pingaaruteqarmata. Imeqqutaallat, mitit aamma qeerlutuut mannii periarfissaanersut sukumiinerusumik misissorneqarsinnaaneri taaneqarput.

3)  Kommunit PPS-imit kaammattorneqarput arfer­nut angisuunut pisassiissutinik siusin­nerusukkut agguaasseqqissin­naa­nermut periar­fissaq atoqqullugu, arfernut angisuunut tamakkiisumik pisassiissutit pitsaa­nerusumik atorneqarnissaat angu­niarlugu. Tamatuma saniatigut kissaatigi­neqarpoq tikaagul­linnut qoorortoorsorluni pisas­siissutit annertusineqarnissaat eqqarsaatigeq­qune­qarpoq aammalu pisassiis­sutit aallaqqaataaniik tunniunne­qar­tarnissaat. Aammat­taaq tikaagullinniarnermut atatillugu arfernut qaartartunik pisinermi tapiissutaasoq annertusineqarsin­naa­neranut periarfissaqarnersoq misis­sor­ne­qarnissaa PPS-imit kissaatigine­qar­poq, tamanna aningaasaliissu­taa­reersut iluanni kissaatigineqarpoq.

 

Piniarneq pillugu Siunnersuisoqatigiinni ilaasortat sinnerlugit

Lars Heilmann

Sukumiinerusumik paasissutissanik pissarserusukkaanni Lars Heilmann saaffigineqar­sin­naavoq, oqarasuaatikkut nr. 54 12 59