Naalakkersuisut KNR-ilu innutaasunik kiffartuussinermi angusaqarnissamut isumaqatigiissuteqarput

KNR-ip siulersuisuini siulittaasoq, Nukaraq Eugenius Ilinniartitaanermut Kultureqarnermut Ilisimatusarnermut Ilageeqarnermullu Naalakkersuisoq Nivi Olsen-ilu 2016 juunip 14-iani, Innuttaasunik kiffartuussinermi angusaqarnissamut KNR-ip Namminersorlutsillu oqartussat akornanni isumaqatigiissut nutaaq atsiorpaat. Isumaqatigiissummi allaaserineqarput KNR-ip suliassaanut annikinnerpaaffissatut naatsorsuutigineqartut 2018-imi decemberip 31-iat tikillugu.

Siuliani isumaqatigiissummut naleqqiullugu ukunilu siuliani anguneqartarsimasut tunuliaqutaralugit aallakaatitanik akunnerit nassiussuivigineqartut amerlineqassasut illuatungeriit ilaatigut isumaqatigiissutigaat. Isumaqatigiissummittaaq saqqumivoq KNR-ip aallakaatitassiani amerlassutsit pinnagit pitsaassuseq aallunneruniaraa aammalu kanalip aappaata KNR2-p atorneqarnerulernissaanit pilersaaruteqartoq.

Nutaatullu isumaqatigiissutigineqarpoq KNR-imut aningaasalissutaasunit maannakkumiit  minnerpaamik 12%, TV-mut radiomullu aallakaatitassianik nunatsinni aallakaatitassiortartunit allanit pisiniutigineqartassasut.

Isumaqatigiissut nutaaq Innuttaasunut kiffartuussineq pillugu nalunaarusiaq 2015-imeersorlu ataatsimoortillugit nuna tamakkerlugu radio- aamma TV-qarfiup suliaanut takussutissiilluarput.

Annerusumik paasissutissanik perusukkuit attavigisinnaavat immikkoortortami pisortaq Karl Davidsen oqarasuaatikkut +299 345691 imaluunniit e-mail: kdav@nanoq.gl