Great Greenland A/S-imi nalinginnaasumik ataatsimeersuarneq

Marlunngornermi 7. juni 2016 nal. 10.00 Great Greenland A/S-imi nalinginnaasumik ataatsimeersuartoqarpoq.

Oqaluuserisassaniippoq ilaatigut ingerlatseqatigiiffiup ukiumoortumik nalunaarusiaanik akuersineq.

Ukiumoortumik nalunaarusiami takuneqarsinnaavoq 2015-imi 24.3 mio. koruuninik amigartoortoqarsimasoq. Ingerlatseqatigiiffik ukiumi naatsorsuuteqarfiusumi amminik qitulisariikkanik tuniniaanermini unammilligassaqarsimavoq ataatsimut isigalugu ameerniarfinni nalorninartorsiornernik ilaatigut pissuteqartumik. Taamaappoq naak Kalaallit Nunaata EU-mi tuniniaavinnut puisinit tunisassianik eqqussisaannarnissaanut periarfissiisumik Inuit pineqannginnerannik EU-mi peqqussuteqaraluartoq 2015-imeersumik. Taamatut Inuit pineqannginnerat pitsaanngitsumik allanngoriartornermut 2009-miilli malugineqartalersumut iluaqutaasimanngilaq, tamannalu Great Greenlandimut assut unammillernartuusimavoq. Ingerlatseqatigiiffik 2015-imi annertunerusunik ingerlatsinermut aningaasartuuteqarsimavoq ammillu tunisat pitsannginnerulersimallutik, tamannalu aammattaaq ukiumut angusanut sunniuteqarsimavoq.

Taamaammat angusat Naalakkersuisunit Great Greenlandimilluunniit naammaginartinneqanngillat. 1. januar 2016-imi Ditte Hejberg Storknæs Great Greenlandimi pisortaanertut atorfinitsinneqarpoq taamaammallu siulersuisunut ilaasortaajunnaarluni.