Kujataani nipisanniarneq unippoq

Matumuuna ilisimatitsissutigineqassaaq Kujataani 1F-imi nipisannik tunisineq ullumi, tallimanngornermi juunip pingajuanni 2016 unitsinneqarmat.

Kujataani sikorsuit nipisanniarnermut akornutaavallaaqimmata nipisanniarneq Naalakkersuisut ullut 14-it matuma siorna sivitsorpaat, sivitsuinerlu ulloq maannamut killeqarpoq. 

Qassutit nipisanniutit kingusinnerpaamik ullumi juunip pingajuanni 2016 qaqinneqareersimassapput.

Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. Mail: emanuel@nanoq.gl