Ingerlatseqatigiiffiit qulingiluat avaleraasartoorniassapput

Ingerlatseqatigiiffiit qulingiluat Tunumi ukioq manna avaleraasartoorniarsinnaassasut Aalisarnermut, Piniarnermut Nunalerinermullu Naalakkersuisoqarfimmi akuerineqarput.

Tunumi 2016-imi avaleraasartoortassat katillugit 85.000 tonsiupput.

Avaleraasartoortassat pingasunut immikkoortinneqarput.

Avaleraasartoortassat immikkoortoq 1-imi pisassat 35.000 tonsiupput, taakku aalisariutinit nunatsinneersunit aalisarneqassapput.

Avaleraasartoortassat immikkoortoq 2-mi pisassat 20.000 tonsiupput, taakku nunat allamiut aalisariutaataasa agguarlugit pisassaraat, aalisariutit nunatsinni ingerlatseqatigiiffiit namminneerlutik aalisariutaatillit attartugaraat.

Ingerlatseqatigiiffiit avaleraasartoortassat immikkoortoq 1-imi pisassiissutaasut 35.000  tonsit paggallugit aalisassavaat.

Ingerlatseqatigiiffiit avaleraasartoortassat immikkoortoq 1-imi paggatassanik pisassallit aamma immikkoortoq 2-mi aalisarsinnaanissaminnut periarfissaqarput.

Avaleraasartoortassat immikkoortoq 2-mi, 20.000 tonsit, ingerlatseqatigiiffinnut agguarlugit pisassiissutigineqassapput, immikkut 2.222 tonsinik aalisarsinnaallutik.

Ingerlatseqatigiiffiit imikkoortoq 2-mi pisassiissutinik aalisarusuttut kattussinnaapput. Ingerlatseqatigiiffiit arlaliullutik kattullutik avaleraasartuunik amerlasuunik aalisarsinnaallutik.

Ingerlatseqatigiiffiit uku avaleraasartoorniarsinnaapput:

Ingerlatseqatigiiffik

Aalisariut  (immikkoortoq 1)

Immikkoortoq 1-mi akuerineqartut

Immikkoortoq 2-mi akuerineqartut

Sikuaq Trawl A/S

Svend C

Qajaq Trawl A/S

Markus

Sigguk A/S

Polar Nanoq

Polar Pelagic A/S

Polar Amaroq

Polar Seafood Greenland A/S

Polar Princess

Qaleralik A/S

Tuugaalik

Pelagic Greenland A/S

Taasilaq aamma Tuneq

Nanoq Seafood A/S

Tasermiut aamma Timmiarmiut

Arctic Prime Fisheries ApS

Ilivileq aamma Qavak

Ingerlatseqatigiiffiit immikkoortoq 3-mi

Immikkoortoq 3-mi pisassiissutit tassaapput ingerlatseqatigiiffinnut aalisariutaateqanngitsunut 30.000 tonsit pisassiissutit.

Ingerlatseqatigiiffiit sorliit ukioq manna avaleraasartoorniartitsissanersut maajip 31-anni makitsissutigineqarput. Makitsineq pisariaqalerpoq ingerlatseqatigiiffiit ukioq manna 12-it avaleraasartoorniarniarlutik qinnuteqarsimammata, piumasaqaatinut naammassinnittuullutik.

Ingerlatseqatigiiffiit uku arfinillit makinneqarput.

Arsuk Food ApS, Kitaa Seafood ApS, Lilleholm Food ApS, Malik Seafood ApS, Sermilik ApS, Rodebay Fish ApS

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq Emanuel Rosing. Mail: emanuel@nanoq.gl