Oqaluttuaaraliortitsineq – Issittup sapangaa

Saammaateqatigiinnissamut Isumalioqatigiissitaq ullumikkut juunip ulluisa aallaqqaataani 2016 pisortatigoortumik saqqummiuppaa oqaluttuaaraliornermik unammisitsineq. Oqaluttuaaraliortitsinerup siunertaraa, Kalaallit Nunaanni Isumalioqatigiissitap suliaanut innuttaasunik peqataatitsinissaq. Unammisitsinerup qulequtaraa “Issittup sapangaa”.

Oqaluttualiami qulequttat qitiutinneqassapput Kalaallit Nunaata oqaluttuarisaanera, ineriartornera aammalu pissutsit. Kalaallit Nunaataana imaluunniit inuiaqatigiit suna pillugu saammaateqatigiissutigisinnaagaat? Siunissamilu Kalaallit Nunaat saammaateqatigiinnermut attuumassuteqartillugu qanoq isikkoqarpa?

Peqataasut periarfissaqassapput, ilisimasaminnik Kalaallit Nunaanni saammaateqatigiinnissamut tunngassuteqartunik tuniseqataanissamik. Aamma isumalioqatigiissitap tusagaqarfigissavai inuit isumaat, isumassarsiaat aammalu namminneq oqaluttuaat Kalaallit Nunaanni saammaateqatigiinnissamut tunngassuteqartut.

Paasissutissat annertunerusut kingusinnerpaamillu tunniussivissaq Saammaateqatigiinnissamut Isumalioqatigiissitap allattoqarfianut saaffiginninnikkut pissarsiarineqarsinnaapput, oqarasuaat +299 34 67 96, imaluunniit nittartakkamut www.saammaatta.gl aamma Facebookimi quppernermi “Saammaateqatigiinnissaq” iserfigalugit.  

 

Saammaateqatigiinnissamut Isumalioqatigiissitaq sinnerlugu:

Steen R. Jeppson,

Allattoqarfiup pisortaa