Meeqqat Ulluat 1. juni 2016

Pingasunngorneq juunip aallaqqaataat nunarsuaq tamakkerlugu meeqqanut ulloritinneqartartoq nalliussiseqqissavarput.

Meerartagut inuusuttortagullu tassaapput nunatta siunissai. Taamaammat meerartavut inuusuttortavullu ullumikkut nalliussisariaqarpavut isiginiarlugulu maanna siunissamilu isumalluutissarigigut. Taamaammat meeqqat inuusuttullu pitsaasumik toqqissisimanar-tumillu peroriartornissaat pingaaruteqarluinnarpoq. Naalakkersuisut ilisimaaraat mee-rartatta inuusuttortattalu toqqissisimasumik atugassaqartinnissaat tamatta akisussaaffi-gigipput” taama oqarpoq Ilaqutariinnermut, Naligiissitaanermut, Isumaginninnermut Inatsisinillu Atuutsitsinermut Naalakkersuisoq, Martha Lund Olsen.

Ilaqutariinnermut, Naligiissitaanermut, Isumaginninnermut Inatsisinillu Atuutsitsinermut Naalakkersuisoqarfiup suliniutit assigiinngitsut aallartisarpai, tassanilu meeqqat inuusuttullu atugarliortitaasut inuunerminni atugaannik pitsanngorsaanissaq siunertaa-voq. Naalakkersuisoqarfik kingullertigut Kommune Kujalleq isumaqatigiissuteqarfigaa isumaginninnermi aqutsisoqarfimmi sulianik sullissinermik sulisunik ikiorsiisoqassasoq, matumani ilaatigut meeqqanut inuusuttunullu suliat immikkut isiginiarlugit.  Naalakker-suisoqarfiup aamma Meeqqanut Ikiorsiisarneq pillugu inatsisissatut siunnersuut tu-sarniutigalugu nassiuteqqammerpaa, taanna meeqqanik inuusuttunillu illersuiniarnermi ikiorsiiniarnermilu atorneqartussaavoq.

Ilaqutariinnermut, Naligiissitaanermut, Isumaginninnermut Inatsisinillu Atuutsitsinermut Naalakkersuisoq, Martha Lund Olsen tassunga atatillugu ima oqarpoq: ”Innuttaasut, pingaartumik meeqqat inuusuttullu pisariaqartitaminnik ikiorneqarnissaat pingaartittoru-jussuuara. Taamaammat inatsisissatut siunnersuut meeqqat pisinnaatitaaffiinik patajaal-lisaasussaq tusarniutigineqalermat nuannaarutigaara, naatsorsuutaavorlu Inatsisartut 2016-imi ukiaanerani ataatsimiilerpata saqqummiunneqassasoq.

Paasissutissanik allanik pisariaqartitsiguit Naalakkersuisup allattaa Hanne Nielsen, +299 53 93 71-imut attavigiuk.