Aalisariuteqanngitsunut avaleraasartoortassat

Ingerlatseqatigiiffiit arfinillit nammineerlutik aalisariuteqanngitsut Tunumi ukioq manna avaleraasartoorniarsinnaanngorput.

Ingerlatseqatigiiffiit sorliit ukioq manna avaleraasartoorniartitsissanersut ullumi makitsissutigineqarput. Makitsineq pisariaqalerpoq ingerlatseqatigiiffiit ukioq manna 12-it avaleraasartoorniarniarlutik qinnuteqarsimammata, piumasaqaatinut naammassinnittuullutik.

Ingerlatseqatigiiffiit namminneerlutik aalisariuteqanngitsut avaleraasartuut 30.000 tonsit pisassaraat.

Ingerlatseqatigiiffiit januaarip aallaqqaataa 2016 nallertinnagu pilersinneqareersimasussaapput, aalisarnermillu imaluunniit aalisakkanik tunisassiornermik qangalili ingerlatsisuussallutik.

Ingerlatseqatigiiffiit uku makinneqarput.

Arsuk Food ApS, Kitaa Seafood ApS, Lilleholm Food ApS, Malik Seafood ApS, Sermilik ApS,
Rodebay Fish ApS

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq. Mail: emanuel@nanoq.gl